2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/19/2017

ضحكــة زمــــان





متابعة/ ايمن بحر

كتب/ مصطفى السيد

بحلم بيكى وبضحكة ملازماكى

ضحكة عرفاها وعرفاكى

ضحكة رغم الغربة لسة فكراكى

ضحكة تزورنى بس فى المنام

ضحكة فاكرة الوعود القديمة

ضحكة عارفة الصراحة

ضحكة رغم الرحيل رغم الخصام

بتتحدانى وتتحداكى

وتجيلى كل يوم فى المنام 

هى ضحكة زمان 

*************

ضحكة زمان 

ضحكة طفولة بتحسسنى بالامان

ضحكة براءة ضحكة كسوف

ضحكة تتمرد على الخوف

ضحكة تشق صوت الدفوف

ضحكة فيها الوفا والحنان

الله عليها ضحكة زمان

**************

ضحكة زمان 

ليه نسيتى ضحكة زمان

معقول هانت عليكى الضحكة

وهان عليكى شوقى لأرق بسمة 

معقول الحزن عليكى بان

معقول نسيتى ضحكة زمان

زمان ايام ضحكة زمان

زمان كنتى بتضحكى

شمس دنيتى تبان

تتفتحى ليا كل البيبان

الله عليها ضحكة زمان

********************

ليه نسيتى ضحكة زمان

معقول فاكرة أنى بعدت ونسيت

لو أنا نسيت 

مين أنا علشان فيا تفكرى

معقول فاكرة أنى جرحت وقسيت

لو أنا قسيت 

مين أنا علشان عليا تحزنى

أنا حبة رمل فى بحر إللى عاشقينك

يرميها الموج فتتعلق بسنينك

يجيها الشوق فتغرق فى أحضانك

أنا إتعلمت منك طعم الوفا طعم الدفا

يتبنى ليا قصور وأحلام 

أرفض فيها أنام 

وفى أول زيارة لموجك أخدك بالاحضان

علشان أشوف فى وشك ضحكة زمان

**************************

ليه نسيتى ضحكة زمان

على فكرة مش حرام عليكى تنسينى أنا

حرام عليكى تنسى ضحكة زمان

حرام تحرمى الدنيا من شمسها

حرام تخدى القمر من عيون كل سهران

على فكرة 

مش حرام عليكى لوحدك

ده أنا إللى بعملله حرام

تبقى طعم دنيتى فى شفايفك 

وبفرض على نفسى الصيام

علشان خاطرى 

قومى صالحى ضحكة زمان

لو مش علشان خاطرى أنا 

يبقى علشان خاطر إللى كان

معقول تعيشى أنتى والضحكة فى خصام 

أنا فى أول زيارة ليكى 

عاوز أشوف فى عنيكى

ضحكة زمان
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين