2054208194886930964305459023536687124329124620425345324432245227212526005525430010231005910972575227800005423858567245242500231905922702611555

7/16/2017

بنت الجيران.



بريد القراء أعداد : هويدا صابر
أحيانا بنحط بنفسنا في مواقف بأرادتنا من غير تفكير في عواقبها ، ونتعامل مع الموقف بمنتهي الأنانيه والتملك ، كل دا عشان شايفين أن دي سعادتنا ، تمام لكن بعد متملكته يا ترا دلوقتي لقيت السعاده وراحة البال ، في قرارات كتير في حياتنا لازم يكون فيها رضا وقبول بين أطرافها زي الجواز مثلا.
 
دي مشكلة السائلة ....
أنا متجوزة بقالى سنتين كان تقريبا حب من طرف واحد أللى هو طرفى ، وجوزى يبقى أبن صاحب البيت أللى قاعدين فيه وأبويه وأبوه في بينهم مصالح وشراكه عشان كده أبوه كان مصمم يجوزنى ليه عشان انا الوريثه الوحيد لأبويه ، وأنا للأسف كنت بحبه رغم رفضه ليه ، وأتجوزنا وأكتشفت أنه كان بيحب واحدة من نفس الشارع بتاعنا وكان عايز يتجوزها وأبوه رفض وقتها معرفش سبب الرفض بالظبط بس ده اللى حصل ، والبنت دي أتجوزت وخلفت وهو لسه بيحبها دائما ألاقيه واقف قدام بيتهم ومصاحب أخوها ، وحصل موقف ضايقنى جدا أبنها الصغير خاله ضربه وزعق له راح مسك أخوها ضربه وقاله أنت مجنون ده عيل صغير وعنفه جامد ، ودايما يكتب عنها بوستات على الفيس أنها ست قوية و ب100رجل ، هي فعلا كده وعلاقتى بيها كويسة بس بحس أنها بتكرهنى هي وأخواتها البنات ، دلوقتى أنا قلبى وجعنى أوى من نظراته ليها وكلامه عنها ولما واجهته أنكر بس دايما يقولى أنتى أختيار أبويه مش أختيارى ، والغريبة أنه بعد كل مرة فى العلاقة يقولى أنا بعمل كده عشان أرضى أبويه عشان مستقبلى معاه ، أه نسيت اقولكم أبوه مصمم أننا نخلف وأنا فى اول جوازى أجهضت بسببه لأنه مكنش يعرف أنى حامل وعمل معايا علاقة ، وجبت ولد ومات الله يرحمه ، وحاليا أنا حامل للأسف أنا نفسيتى تعبت بسبه دايما شايف نفسه عليا وبيبص ليه على أني أقل منه ، أعمل أيه.

السائلة الكريمه:
 أنتي في بداية كلامك قولتي حاجه خطيره جدا ، قولتي (أنا للأسف كنت بحبه رغم رفضه ليه) أنا وقفت عندها كتير ، مسألتيش نفسك كان رفضك ليه ، وشخص رافضني أرتبط بيه ليه عشان بحبه حب أيه ، الحب دا مشاعر متبادله بين أتنين ، ثانيا أنتي أكتشفتي أنه كان بيحب بنت الجيران ومقولتيش أكتشفتي أزاي ولا أمتي قبل الجواز ولابعده ، ثالثا ودا الأهم قولتي أنه بيتكلم عنها علي الفيس ليه بيكتب أسمها في كل بوست يافلانه يا جارتي مثلا وبيقول عليها جدعه وب100رجل ، وسبحان الله أنتي كمان بتقولي جدعه و ب100 رجل وشكرتي فيها وعلاقتي بيها كويسه بس بتحسي أنها بتكرهك هي وأخواتها البنات ، تناقض منك في الكلام...
 
 
نقطه بقي ومن أول السطر أنتي عايزه تعرفي تعملي أيه لكن مش في نيتك الطلاق طبعا ، أنا شايفه أنك تنسي وتبطلي خيالات وأبعدي عنك شبح بنت الجيران أللي بيطاردتك وعامل حاجز بينك وبين زوجك ، وأنتي أللي لازم تكسري الحاجز دا بنفسك وعن أقتناع ، وبعدين جارتك أللي وصفتيها بأنها جدعه دي متجوزه وعندها بيت زوج وأولاد مركزه معاهم وأكيد سعيده ، وأنتي كمان ركزي في بيتك ومع زوجك ومع أبنك أو بنتك أللي في الطريق ، أهتمي بنفسك كويس جدا وجددي منها وأهتمي ببيتك أعملي كل شئ بيحبه من غير ميطلبه ، ومتسأليش زوجك عنها ، ولا أنت أتجوزتني ليه ، أو أنت بتحبني ولا لأ ، والأسئله الكتير أللي مالهاش أي داعي وهتخربي بيها حياتك ودا نهااااااائي 
 
يعني تلاقيه عدي وهي في البلكونه فتقرري تنكدي علي نفسك وتسأليه أنت لسه بتحبها علي فكره أنت بصتلها ، وبعدين هو مش كارهك بديل أنه بيتعامل معاكي عادي وفي علاقه بينكم ، حاولي تكسبيه وتجذبيه ليكي وتعدي كل كلامه أللي بيقوله ليكي وبيضايقك ، زي أنا معاكي عشان بابا أنا معاكي عشان مستقبلي لا مفيش رجل بيعلم حاجه غصب عنه خليها قاعده في دماغك لو أنتي مش عجباه كزوجه كان زهقك وبعد عنك ، وعشان أطمنك كتير من قصص الحب كانت من طرف واحد ، الطرف دا كان بيهتم بالتاني وعرف يجذبه ليه لحد محبه ، أعتبري نفسك لسه متجوزتيش وأتعاملي معاه علي أنه حبيب ليكي ولازم تكسبيه وتحافظي عليه وتكوني أنتي ختام حياته ، وربنا يهديه ليكي ويصلح لكم الأحوال.
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين