2054208194886930964305459023536687124329124620425345324432245227212526005525430010231005910972575227800005423858567245242500231905922702611555

7/03/2017

حلم شاعر




بقلم: جيهان عوض
موجود جوايا طاقة

لكن مش في البطاقة

محفور ويايا حلمي

مش هتلاقوه في اسمي

حلمي ماكنش في وظيفتي

ولا حتي يوم في حالتي

قالولي أقعد عل مكتب وابقي بيه ومحترم

قلتلهم ولو بقيت شاعر هبقي متهم?!!

قالولي ان فاتك الميري…… 

قلتلهم يبقي ده مصيري

قالولي غيرك يتمني ترابها.. 

رديت وقلت أكيد حاببها

قالولي عصفور في اليد…. 

استسلمت وحطيت الايد عل الخد 

واخيرا سمعت الكلام!! 

لأ دي فيها كلام وكلام… 

قعدت علي مكتب

شيك ومنظم ومرتب

8ساعات أقعد أحسب

وآخر الشهر استني المرتب

 طاقتي المكنونة لو فاكرنها!! 

لا دي الله يرحمها

ماتت في بحر المشاكل اليومية

ومصاريف المدارس والدروس الخصوصية.. 

الواد سخن وعيان!! 

اديله حقنه هيبقي تمام

البنت نفسها في حلق! 

جينا بقي للقلق

ايجار الشقة المتأخر

بكرة ربنا يسهل... 

العيش خلصت في التلاجة

ساعتين في الطابور كالعادة…. 

يابابا البطيخ طلع!!! 

ده أقرع وطعمه دلع

واللي زاد وغطي عايزين ياخويا بطة!! 

روحي جاتك زغطة

عايزين ايه لسه الشهر خلاص ولي

هي قصة أبو زيد… هقعد أعيد وأزيد

 آآآآه. هدوم العيد.. أنا ناقصك يابعيد

وكل يوم قصة وحكاية

وميت مشكلة ورواية

وروتين مميت وممل

ودايرة ملهاش حل


التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين