2054208194886930964305459023536687124329124620425345324432245227212526005525430010231005910972575227800005423858567245242500231905922702611555

10/31/2017

هيكونو عبرة فى وسط الكل


كلمات /شيماء الهيل

افتح يابنى تاريخ أجدادك 

واقرا وراجع صفحة بصفحة 

من ايام أحمس فرعونك

لما ادا الهكوس العلقة 💪

علشان قالو ندخل مصر 

فاكرينها حاجة عادى وسهلة

واما نابليون جه واتعنطز 

قال جاي لنا ومعاه الحملة 

رجعو قفاهم أمر عييش 

لبسناهم عادى الطرحة 💪

افتح يا بنى تاريخ اجدادك 

فكر مين هزمو التتار 

كانو جاين خاربين العالم 

قتل ونهب ونار ودمار 

لكن قطز اما اتصدى لهم 

بقى اقوى ما فيهم صرصار💪

واتعلقو على باب زويلة

حلوين كدة زى الشطار 💪💪

اما حبايبنا الطعمين 

كتاكيتنا الاسرائلين 

دول كانت أيامهم طين😂

وافتكرو بس انت وهو حربنا فى تلاتة وسبعين

يا ابنى دا شعب مالوش فى الذل 

أرضة أمان وسكن للكل 

تهرب من خوفك وتجيله 

هايقابلك بصباح الفل

لكن لو جت له شايف نفسك 

هاتكون عبرة فى وسط الكل
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين