2054208194886930964305459023536687124329124620425345324432245227212526005525430010231005910972575227800005423858567245242500231905922702611555

10/30/2017

فوق المسافات



             ثروت بديع
----

وبعلا بروحى فوق المسافات
وبفتكرك
بفتكرك  فى أول يوم للقاك
ويوم هجرك
واحساسى الفرق ف ملامحك
زي الفرق بين النار وبين التلج
وف الحالتين كان ليك قلب
أو قلبين
قلب فيضه زي النهر
متدفق
قلب  نبضه لون التلج
متجمد
 وبفتكرك
----
وبعلا بقلبى فوق الدمع
 وبفتكرتك
بفتكرك  واحنا صحاب
ف الحلوة تدق عليا الباب
ونتضاحك ونتسامر
وف الوجعةيجعله عامر
وتستغرب من جرحى
و على دمعى تتندر
وتتهرب  
 وبفتكرك
-----
 وبتعالى فوق الحزن
وبفتكرك
بفتكرك وانت الأخ
مشاركنى ف نفس الإسم
نفس الكلمة نفس الرسم
نفس اللقمة والفكرة
ساعةالحزن
من بدنك رميت حتة
وكان قلبك هو الفخ
كان حبك زي الرخ
رغم الإسم
زي حبك
 مالهوش وجود
----
وبعلا كتير فوق الذكرى
واتعلم
وبفتكر نفسى
وامسح  م اللى فات حزنى
واتقدم
اتقدم ليوم بكرة
وارسم فرحتى لوحدى
وارسم رسمتى بيدى
واعلا لفوق فوق الذكرى
وارمى البعد على المسافات
واصحى سعيد
ولا افتكرك
 
     مدير قسم الادب والشعر
علا السنجري
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين