2054208194886930964305459023536687124329124620425345324432245227212526005525430010231005910972575227800005423858567245242500231905922702611555

10/27/2017

ضل الحيطة انفع










كتبت/ شاهيناز عبداللطيف



ما اسمهاش ضل راجل ولا ضل حيطة حضرتك
اسمها..
( إِذَا خَطَبَ إِلَيْكُمْ مَنْ تَرْضَوْنَ دِينَهُ وَخُلُقَهُ فَزَوِّجُوهُ، إِلَّا تَفْعَلُوا تَكُنْ فِتْنَةٌ فِي الأَرْضِ ، وَفَسَادٌ عَرِيضٌ )..صدق رسول الله صلي الله عليه وسلم...
يعني راجل لا دين ولا خلق الحيطة وقتها ابرك وانفع منه ، ايه ده !!
هو الرسول قال دين وخلق ، الاتنين..!! .. اه والله تصدقوا...!!...يعني الدين لوحده مايكفيش ؟؟ 
لا حضرتك لا يكفي ابدا لأن الدين ظاهر وباطن 
الظاهر ده مش كفايه إنه يخليني أحكم علي اخلاقه والباطن لا يعلمه الا الله .
طب الأخلاق وحدها مش كفايه..!!...لا برده مش كفايه ، لأن أخلاق من غير دين معناها مافيش مروءه ، حاجه كده زي أدب القرود ، مجرد ان تتاح له الفرصة بأنه يتجاوز هيتجاوز لأن مافيش رادع ، مش هايمنعه غير دينه ساعتها
يبقي لازم الاتنين مضفرين سوا كده والا:
ضل الحيطه ولا ضل راجل بيهين و بيتطاول جسديا ومعنويا
ضل الحيطه ولا ضل راجل بايع القضيه وشيلي الليله وعامل من بنها( مع احترامنا لكل رجاله بنها ..:)
ضل الحيطة ولا ضل راجل مقضيها والرد جاهز "اذا كان عاجبك "ماهو كله كده "هو انا لوحدي.".اه حضرتك انت مش شايف الا الوحش اللي زييك ، كله مش كده الحمدلله
ضل حيطه ولا ضل راجل انتي عارفه انه لا بيصلي ولا بيقضي فروضه وعباداته، مستنيه يصونك ويصون بيتك ازاي لما مش صاين نفسه من مداخل الشيطان
اي شئ تاني بعد الدين والاخلاق مقدور عليه والله والا ماكنش قال : تكن فتنه في الأرض وفساد عريض
الطوابير علي محاكم الاسرة بقت اطول من الطوابير اللي كانت علي الانابيب وعلي العيش وعالبنزين اه والله.
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين