2054208194886930964305459023536687124329124620425345324432245227212526005525430010231005910972575227800005423858567245242500231905922702611555

10/13/2017

مكتوب عليّه احلم


بقلم / محمد عبد النبى محمود
مكتوب عليّه احلم .. والحلم يسبقنى .. لوحدة جميلة ف خيالى .. معرفش مين هيّه .
بس ديما وحشانى .. واقول معرفش .. طب اوصفها .. اقول مقدرش .
وإن مرة قالولى متحبش .. اقول كل القلوب تعرف .. وقلبى يقول أنا معرفش
.. وفين هيّه .. تاخدنى بعيد .. لدنيا جميلة ف عنيّه .. اقول أحلام .. تقولى
كلام .. مرسوم برقة وحنية .. اصدق واعشق ..واقول أنا بغرق .. ف عيون
شقية وجذابة .. ومفيش ف يوم .. قدرت عيون .. تكون معايا أنا غلّابة ....
********************
معقول ياقلبى تكون حبيبتك حلم ساكن ف منامى .. وف الحقيقة بعيش ادوّر
على حد احبّه ف أيامى .. وليه تدوّر ياقلبى ليه .. حبّك ده جد ولا ايه ..
غريبة والله حكاية حبّك .. بتحب حد متعرفش توصف فيه .. طب ايه الحل ..
ما أنا لو وصفت .. أكيد وصفى هيكون أقل .. دى عيونها بحور غريقة
غرقت فيها ومابطلعش .. وإن يوم حبيت عليها واحدة غيرها دى مابتغيرش .
. وإن يوم حبّت تعاتبنى وتزعل منّى وتشتكى ليّه .. بلاقيها ف نفس الليلة
تقولى ف بعدك أنا مقدرش ....
***********************
ياسلام لو كات دى حقيقة .. وكل دقيقة .. اشوفها معايا .. ياسلام لو تبقى
نصيبى .. واقول ده حبيبى .. عايش ويّايا .. وياريت أحلامى طويلة .. ولا
افكر ليلة .. اقوم من النوم .. لو يفضل حلمى معايا .. ولا يفارقنى .. واعيش
محروم ....
*********************
عرفتوا ليه مقدرش اعرفها .. عرفتوا ليه مقدرش اوصفها .. بس الحقيقة إنى
بشوفها .. كل ليلة ف منامى .. حبيبتى واحدة موجودة بس ف أحلامى .......
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين