أدم وحواءعام

رسالة من امرأة “الحب”

بقلم داليا طه
خفت اوى وانا بكتبها كلمه حب الانسان بيحتاجها طول الوقت هى مش لوقت معين ولا لازم تكون بين راجل وزوجته او راجل وحبيبته اوراجل وعشيقته او راجل واى امراه كان موقعها في حياته مين قال انها كلمه تكتب اونسمعها في اغنيه مين قال كده الحب احساس وشعور الحب حاله تزلزل الوجدان حاله من الهيام حاله كده من الفرح والسعاده شعور قوى مهما كانت قوتك فانت امامه ضعيف ولكن مش هش الحب مش محتاج سن الحب موجود في كل وقت ولكل الناس مين قال اما بنكبر مش محتاجينه بالعكس كل ماكانت الحياه صعبه محتاجينه كل ماكان عندنا ابتلاء محتاجينه كل اما يبان علينا الكبر في ملامحنا محتاجينه محتاجينه في كلمه في حضن في صله في طبطبه في تقدير في كل شئ محتاجين حد يقولنا بحبك بحبك لشخصك سواء اتفقت معايا ولا اختلفت فانا بحبك كده زى ماانت الحب بيغير حاجات كتير في حياتنا الحب بيلين قلوبنا اللى قست الحب بيعملنا حاله من السعاده والرضا الحب انك تحب نفسك صح علشان تقدر تدى اللى حواليك حب الحب بيكون لله اولا ولرسوله ثانيا ومنهم بتقدر تحب اللى حواليك حبك لله وغيرتك على انك تقتدى برسول وانك تتقي الله في كل شئ بيسخرلك الناس اللى يعطوك الحب في كلمه في طبطبه في حضن في حب ابوك وامك في حب اخواتك وحب اهلك في حب زوجك واولادك في حب الجيره والصداقه الحب مش صعب احنا اللى مصعبينه على نفسنا علشان مش عارفينه صح حب نفسك وافهم وجودك ليه اعرف ان الحب عطاء ادى قبل ماتاخد ماتستناش تاخد ادى انت الاول وانت حتعرف ان الحب حيجيلك في اى وقت وفي كل وقت وبالذات اما تكون محتاجه ربنا بيسخرلك ناس تحبك من غير مصلحه بالعكس ده هما اللى بيكونوا مصلحه ليك علشان بيهم بتعرف معنى نفسك وحياتك ووجودك
احبكم في الله جميع
رئيس قسم هو وهي : داليا طه

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock