أدم وحواءعام

رساله من امراه

بقلم : داليا طه
دايما بنحكم على الناس من بعيد ، مش من قريب وان بنحكم بحكم ناس تانيه ياعنى سماعي ، وللاسف ساعات كتيره بنحكم على حسب اللى توفرلنا احنا مش همه ، ياعنى بنحكم على فعل فلان واحنا ماعشناش نفس الظروف بنحكم بظروفنا وتربيتنا مش بنفكر عمل ليه كده وليه كان موقفه كده ونابع من تجربه عاشها وبيعشها ولا لا ، وماحطناش معيار صح وغلط كان ايه بالنسبه له ، ولا حد فهمه الحلال من الحرام ، معظم تربيتنا عن الصح والغلط وان اى كلمه مش عجبه اهلنا ياعنى احنا قلاله الادب ، رغم كان الدنيا هاديه ومافيش التكنولوجيا والسوشال الميديا اللى مفتوح على البحري، الا ان اهالينا معظمهم ماتعودش على صحوبيتنا بنيجى في وقت معين وماينفعش نفتح ونقول جوانا ايه ، محتاريين من ايه ، نعمل ايه لو الموقف ده قابلنا ، كان سايبنا نوقع نتصدم نتالم نفرح ندخل في متاهات مش عايزينها بس اتحطينا فيها اجباري من قله خبرتنا ، ماحدش قالنا ان في كل مرحله في حياتك بتمر باختبارات صعبه ياتنجح ياتفشل ، اهو انت ونصيبك ساعات بينا وبين نفسنا بنقول وحشتنا طفولتنا لاننا كنا بنتكلم بدون خوف ولاكسوف ، بدون البحث عن كلمه يفضلها اهالينا عن الحقيقه بلسنا ، للاسف ساعات بنفتكر الانسان الجامد هو كده ماقربناش وسالناه انت كده ليه ، ولا الانسان العادى انت اخد الدنيا ببساطه كده ليه ومش همك ، لو لقيت انسان سوي حتعرف انه كان عايش في بيئه عاديه مش مزيفه ، باينه في الظاهر الارتباط وهى اسره مفككه زى اسر كتير ، وقت بيفرقوا بين الاولاد والبنات ووقت يقرروا مين من عيالهم الضعيف والقوي ، للاسف قليل القليل من صاحب اولاده وقليل القليل من اسس ولاده بحب وموده ورحمه حتى قوى ومشاه على بدايه الطريق ، للاسف اتعلمنا كتير الصح من الغلط عن الحلال والحرام ، وان الله فقط من نخاف منه محتاجين نفكر من اول وجديد احنا عرفنا ايه واتعلمنا ايه من اهالينا وهل فعلا اما كبرنا ليه اعترضنا كتير على تربيتهم ، تصادقوا مع اولادكم صحبوهم عؤفوهم الحلال من الحرام سامحوهم عند خطائهم وعلموهم حتى لايقعوا فريسه سهله لناس ماعندهاش ضمير، واعرفوا ان اخلاق فرد يؤثر على مجتمع
رئيس قسم هو وهي : داليا طه

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock