2054208194886930964305459023536687124329124620425345324432245227212526005525430010231005910972575227800005423858567245242500231905922702611555

11/11/2017

مفيدة شيحة: رجلك على رجل جوزك.. ومنى عبد الغني: بلدي البلد اللي فيها جوزي









سامح عبده
ناقش برنامج "الستات ما يعرفوش يكدبوا"، المذاع على قناة "cbc سي بي سي"، في حلقة السبت، موضوع سفر الرجل بمفرده بعد الزواج، وطرح البرنامج سؤالا: يسافر لوحده ولا رجلك على رجله؟

وعلقت الإعلامية مفيدة شيحة على الموضوع قائلة: "رجلك على رجله مهما كانت التنازلات.. حتى لو هتسيبي شغلك وتشتغلي هناك.. ساعات البنت تقول ماقدرش أسافر مع جوزي عشان ماما أو عشان أهلي.. بس ٩٩٪ من الرجالة لما بيسافروا لوحدهم بيتغيروا لما يرجعوا.. والزوج بعد السفر لوحده مابيعرفش يرجع يعيش في بيت أسرة".

ومن جانبها قالت الإعلامية منى عبد الغني: "بلدي البلد اللي فيها جوزي.. وياما بيوت اتخربت عشان الزوجين بعيد عن بعض.. لكن في أزواج شايفين أنهم ماينفعش يجيبوا الأولاد والزوجة يعيشوا معاهم في الغربة، عشان خايفين عليهم يتأثروا بثقافة أوروبا أو عشان مايتبهدلوش". وأضافت "في ستات كتير مقتنعة إنها تعيش على القد.. بس زوجها مايسافرش لوحده عشان مايروحش منها".

ورفضت ضيفة البرنامج أميرة منير، وهي متزوجة منذ 9 سنوات، سافر زوجها بمفرده، قائلة "الراجل سند للست ولو كل واحد جري لوحده ده تفكك والمفروض بنكمل بعض". وقالت زينب عبدالحكيم "السفر تفكك تام للأسرة.. مش هفرح بفلوس جوزي.. وعندما عرض عليا السفر بمفرده رفضت وهددته بالانفصال.. الأب حياة لأولاده ومحتاجين لوجوده".

وقالت مي سعد الدين "تزوجت وعشت مع زوجي في الغربة لمدة 9 سنوات.. وعند مرض ابني عدنا كلنا لمصر.. إحنا سند كلنا لبعض وجربت شهرين وهو بعيد عني حسيت بغربة".

وقالت سماح الصاوي، متزوجة منذ 6 سنوات وزوجها يعيش في بلد أخرى: "في رجالة جنب زوجاتهم وبرضوا في جفاء بينهم.. كل واحد له طموحه.. ومطمنة لزوجي في الغربة لوحده".

أما عبير محمد، متزوجة منذ 22 سنة، فقالت "الغيرة والخوف هي سبب رفض الزوجة لسفر زوجها.. زوجي بيسافر داخل مصر لأنه بيشتغل في السياحة".

وأضافت "إيه المشكلة أني أدي لجوزي الثقة والمساحة وكل واحد فينا يقوم بدوره على أكمل وجه.. الراجل مابيحبش الست تخنقه ولو عايز يعمل حاجة هيعملها




.وقالت نيللي عبد الفتاح، متزوجة منذ 7 سنوات: "جوزي بيسافر وبيرجع كل 3 شهور.. تركت مجال عملي كطبيبة أسنان لأدير شركة زوجي في السياحة.. وجوزي يستحق الثقة".




وقالت أستاذ علم الاجتماع إنشاد عز الدين "فيما يتعلق بالعلاقات الأسرية لا يصح التعميم.. لازم ندبر أمورنا بالموجود وطموحاتي ما تبقاش أكتر من إمكانياتي"




.وأضافت "لازم ما أعودش جوزي أني استغنى عنه.. وبرضوا ليه الراجل مايخافش على مراته من ناس تانية تدخل في حياتها وهي لوحدها".​
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين