2054208194886930964305459023536687124329124620425345324432245227212526005525430010231005910972575227800005423858567245242500231905922702611555

11/08/2017

رساله إلى العالم من أرض السلام




كتبت ساره منصور علام 

قال السيد الرئيس عبدالفتاح السيسي على هامش مشاركته فى ماراثون رياضي مع مئات الشباب المشاركين فى المنتدى بمدينة شرم الشيخ في الصباح الباكر اليوم الأربعاء أنه عند توجيه الدعوه للمشاركين فى منتدي شباب العالم كانت نتاج تجربه لمدة عام بيننا وبين شباب مصر كان حوار ونقاش بنتكلم مع بعض وبنسمع بعض ولما وجدنا أن التجربه دى تجربه رائعه وعظيمه وان احنا نتحدث لبعضنا ونسمع لبعضنا البعض ولا يستأثر أحد فينا برأيه لوحده

الاختلاف بين الناس أمر طبيعي لو احنا عرفنا ده ومش بس عرفناه وبقينا مستعدين للتعامل بيه مع بعض الاختلاف بيننا وبين بعضنا البعض أمر طبيعي ولما عشناه ومارسناه قلنا طب نتكلم نتحدث مع العالم

زالعالم بالنسبة لنا هو الشباب لأن الشباب بالنسبة لنا هو الأمل هو المستقبل هو الطموح هو القوه

فقلنا نتحدث إلي شباب العالم الذي سيتحكم في مصير العالم خلال السنوات القادمه وبالتالي كان مؤتمرنا منتدى شباب العالم علشان نتحدث ونسمع بعضنا البعض ونتكلم ونتفق ونختلف لأن ده أمر طبيعى

ولقد تطورت الفكره وطلب أحد الشباب أن يعقد منتدي شباب العالم بشكل سنوى فسنكرر هذا المنتدى مره كل عام وهو ما قوبل من قبل الشباب المشاركين فى الماراثون بتصفيق حار

وقال السيد الرئيس عبد الفتاح السيسى : تجمعنا هنا من أجل السلام خلى الرساله ديه من خلالكم والشعوب اللى انتم تنتمون لها

تحدثوا عما وجدتموه من تفاهم وتسامح نسعى جادين أن يخرج من أرض السلام هنا مصر أرض السلام هنا فى سيناء زى ما قلت إن هذه الأرض مباركه ومقدسه كلم الله فيها موسى تكليما وهذه الأرض أيضًا شهدت قدوم العائله المقدسه سيدنا المسيح عليه السلام وأمه السيده مريم العذراء فهذه أرض مباركه ومقدسه ونحن نقدرها وكل العالم يقدرها

بنرحب بكم في مصر وبنقول للعالم كله السلام أفضل السلام أفيد لينا كلنا واحنا وجودنا مع بعض هنا يبعث رساله قويه رساله كبيره جدآ لكل العالم من أجل السلام

وتعالوا نضع أيدينا ونشد على أيدينا بعضنا البعض فى مواجهة التطرف والإرهاب الذى يفزع الآمنين ويروع الناس ويقتل ويخرب ويدمر تحت دعاوى أنا بقول لكم واحنا هنا فى بلدنا نواجه المعركخ دى بجلاء واحنا فى مصر نواجه الإرهاب بوجه واحد مش بوجه وأقنعه معندناش ده احنا نرى أن الإرهاب آفة بشريه لابد أن احنا نواجهها كلنا

لأنه اذا لم نواجهه سيدمر انسانيتنا وسيقضى على انسانيتنا وانتم سمعتوا خلال المؤتمر بعض المشاهد الحيه من جانب من عاصروا بعض هذه المشاهد نضع أيدينا مع بعضنا ونتكاتف ضد الإرهاب وضد الافكار المتطرفه

واستطرد محدش ابداً يستطيع أن يتحدث بالنيابه عن حد ولا يكون وصى لا فرد ولا جماعه ولا دوله احنا عايشين كلنا مع بعض فى كون واحد وإذا كنا عايزين أن الكون يعمر بالخير والأمان والسلام لازم نكون فاهمين كويس أوى الكلام اللى تقال بنكرر تانى النهارده أن التصادم بين الحضارات ده أمر غير حقيقى الحضارات وجدت من أجل أن تتفاعل مع بعضها ولكن ممكن تصادم المصالح فلا نحمل الحضارات تصادمنا من اجل المصالح

الأرض اللي إحنا عايشين عليها تسعنا كلنا بالسلام وفيها من الخيرات ومن كل اللي إحنا نتمناه
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين