أدم وحواءعام

طلبات المطبخ 


شيف شطورة سالي سليمان


تعالوا النهاردة نتكلم في حتة فيها توفير شوية 

وهي طلبات المطبخ و ازاي نظبطها حسب أكل يومنا
أولا لازم تكتبي طلباتك في ورقة قبل ما تروحي السوبر ماركت عشان ما تسرحيش و تجيبي حاجات مش هتنفعك 
كمان قبل ما تنزلي تعملي شوبينج في السوبر ماركت اعملي شوبينج في البيت الأول …. يعني ايه ؟ يعني افتحي ضلف مطبخك و الثلاجة و الفريزر و اعرفي الموجود فيهم و ظبطي منيو وجباتك حسب المتاح الاول ، لما المتاح يخلص نبدأ نفكر في السوبر ماركت 
يبقى الكلام ده معناه اننا كمان هنعمل منيو للأكل ؟ ايوة و ليه لأ
منيو أسبوعي أو علي الأقل يوم بيوم بالليل تشوفي المتاح و على اساسه تحددي هتطبخي ايه بكرة
يعني البيضة قبل الفرخة و لا الفرخة قبل البيضة ؟ 
نعمل منيو و نحدد طلباتنا على أساسها و لا نشوف المتاح و نحدد المنيو على اساسه؟
الموضوع مش صعب و براحتك بس كل اللي هقوله خلي المنيو فيها مرونة
يعني تقدري تبدأي بالمنيو أو قائمة الطلبات
بس المهم أن أصناف المنيو يكون فيها مرونة في استخدام البدائل حسب ايه المتاح عندك ، يعني ما توقفيش حالك لو في حاجة من المقادير مش موجودة و فكري في بديل متاح قبل ما تفكري انك لازم تنزلي تشتريه

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock