حياة الفنانينعام

اسراء احمد ” أم روح حلوة ” واجهت كل الصعوبات بأمي وفي عدم وجودها كان طيف كلامها بيكون معايا

واجهت كل الصعوبات بأمي



فكرة الإسم جات بعد ما نزلت الفيديو
فكرة الفيديو جات من اعدتنا اليوميه أنا وأختى
لا الاساءات كتير متعديش يعنى بس مبقتش بزعل


حوار بنازير مجدي



صنعت لنفسها حياة تختلف كليا عن حياة من يراها بعينه دون قلبه، واستطاعت أن تتخطي كل نظرات الألم والحزن بما تمتلكه من جمال للروح، طغي علي جمال الملامح، وأثبتت قدرتها العظيمة علي مواجهة العالم، وهؤلاء الذين لا ينظرون الا لما هو خارجي، ولكن ما فعلته كان أكثر فاعلية وتاثيرا علي من يمتلكون قلوب تستطيع أن تخترق مظهرها الخارجي، لتلقب ب ” أم روح حلوة “، وهي اسراء أحمد.





فتاة لم تتخطي العشرين من عمرها، فتاة خلقت بأصبع مبتورة وعين واحدة، وقلب يسع الدنيا بأكملها، ويحمل معه كل معاني الإنسانية والإرادة و الحب و المقاومة، لتصبح ملكة جمال حقيقية، تمتلك من الجمال ما لا نجده كثيرا في وقتنا الحالي….


إسراء أحمد أولا حدثينا عن حكاية الاسم الذي اطلقتيه علي نفسك ” أم روح حلوة ” ولماذا هذا الاسم ؟
فكرة الإسم جات بعد ما نزلت الفيديو لاقيت بنت داخلة من اللي شافوا الفيديو بتقولي انتي المفروض يبقي اسمك أم روح حلوة….

وكيف جاءت فكرة الفيديو الذي ترك أثره علي كل من شاهده ؟
فكرة الفيديو جات من اعدتنا اليوميه انا واختى بحكلها ديما على المواقف اللى بتحصلى لما بمشي لوحدى، ف قولتلها قومى اتصور وانزل للناس علشان تعرف اى بيضيقنى واى بيفرحنى….
ماذا عن رسالتك التي كنتي تريدي أن تخبري بها كل من شاهد الفيديو ؟
رسالتى هى ببساطه انك تحمد ربنا انك متعملش اللى قدامك على اساس شكله ومظهره الخارجى واننا مش مخلوقين علشان نحكم على بعض سوء بالحلو او الوحش واننا بجد بنتعب من اى نظرة او كلمه او اى تلميح يقلل مننا….

ماذا عن قدر الإساءات التي تعرضتي لها ؟
لا الاساءات كتير متعديش يعنى بس مبقتش بزعل منهم بزعل عليهم بس بصراحه اصلى لو زعلت منهم ابقي بنزل بمستوى وعى وفكرى لمستوى اللا وعى اللى عندهم….
وكيف استطاعتي أن تواجهي الصعوبات التي وقفت امامك منذ الطفولة ؟
استطعت اواجه كل الصعوبات ب امى ❤
وماذا عن أكثر موقف ترك أثره السلبي عليكي ؟
اكتر موقف اثر فيا لا مافيش كلهم لمست لهم الاعذار…..

ماذا عن اصرارك علي مواصلة الطريق رغم كل الصعوبات ؟
اصرارى هو نتيجه طبيعية جدا لأيمانى ب ربنا، وثقتى بنفسي مش هينفع يبقي فيه اصرار طول ما انا مش مؤمنه ب ربنا ووثقه في نفسي…..
ما هي رسالتك التي توجهيها لأي شخص اثر عليكي تأثير سلبي ؟
اوجه لاى شخص فى العموم بيأثر بشكل سلبي على اللى حوليه انى مكنتش حبه يعمل كدا لانه هيتعمل معاه اللى عمله لان كما تدين تدان…..
من هو الشخص الذي يدعمك ويساندك في حياتك وفي تخطي مثل هذه المواقف المزعجة ؟
امى هى من دعمتنى وفي عدم وجودها كان طيف كلامها بيكون معايا ودايما جنبي 
ربنا يخلهالى…..

ماذا عن دور اهلك واصدقائك في حياتك ؟
اهلى انا غلبتهم وتعبتهم اوى طول حياتى، ومعنديش اصاحب اوى بس في المجمل هو دورهم في انى اكون اسراء كان كبير…..
ماذا عن حياتك الدراسية ؟
حياتى الدراسيه انا ف ١ كليه شريعه اسلاميه بجامعه الازهر وبطلع الايام دى على مجال التحفيز والصحة النفسية…
اية هو الطلب اللي ممكن تطلبية من رئيس الجمهورية ؟
لا طلبات مش طلب واحد بس.. اطلب منه انه يتكلم معا وزير التعليم وشيخ الازهر بوضع ماده يدرس فيها الشخصيات التى تحدت المجتمع على مر العصور وكمان يكون فيها تعليم ثقافة الاختلاف وتقبل الاخرين….
وفي النهاية اية هي اكتر حاجة بتحلمي تتحقق ?
اكتر حاجه بحلم بيها انى اقدر انفع الناس اللى هو ربنا ينفع بيا الناس …..

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock