2054208194886930964305459023536687124329124620425345324432245227212526005525430010231005910972575227800005423858567245242500231905922702611555

12/28/2017

نوبات الطفل الغاضب



كتبت مدربة التربية إلآيجابية شيرين محمد 
هنتكلم النهارده عن نوبات الغضب عند الاطفال وكيفية التعامل معاها ....وعشان نعرف ايه هي نوبات الغضب وبتحصل ازاي ...لازم نعرف عقل اطفالنا شغال ازاي ، 

بيتكون عقل الطفل من فص ايمن و فص ايسر 

الفص الايمن : مسئول عن المشاعر . الخيال. الصور . الالوان. الابداع . الايقاع

الفص الايسر: مسئول عن اللغة. المنطق . الارقام . التحليل .الكلام 

كمان المخ بيتكون من جزء علوي وجزء سفلي ( وده ممكن نشرحة لاحقا ) .

كمان المخ بيتكون من ١٠٠ بليون خالية عصبية ، بيكونوا وصلات داخل المخ .... اي موقف اتعرض ليه الطفل ، او اي حادثة بتكون وصلة داخل المخ من ساعت الميلاد .... والوصلات دي بتتكون مع بعض وبتعمل ذكري ، وهي اللي بتكون عندنا الذكريات ، والوصلات دي دائما فيها احلال وتجديد وصلات ضعيفة المخ بيركنها وبيكون وصلات جديدة .

ووصلات قوية المخ بيحتفظ بيها و بيكون بيها ذكريات ، من مواقف واحداث متكرره حصلت في حياتنا ... ده باختصار شديد جدا شرح لمخنا نرجع بقي لنوبات الغضب .

الفص الايمن والفص الايسر غير مكتملين . 

اللي شغال عند الطفل وطاغي علية هو الفص الايمن من المخ ، المسئول عن المشاعر ، الخيال و الصور و الالوان والايقاع .

عشان لسة الطفل متعلمشي يعبر عن مشاعره واللي حاسس بية بالكلام . 

والفص الايسر لسه متطورشي .

طيب ايه بقي اللي بيحصل في نوبات الغضب ، الفص الايمن اللي شغال وطاغي ، فلما الطفل يتعرض لموقف حد اخد منه حاجة حد ضايقه ، بتنفجر نوبة الغضب المتمثلة في ان الطفل يصوت ويعيط ويصرخ ، او يرمي نفسة في الارض او يخبط راسة في الحيطة .

احنا بقي نتعامل مع نوبة الغضب دي ازاي ، ونساعد وندرب الطفل علي الاستعانة بالفص الايسر ، عشان يهدي ونعلمه مهاره اداره الغضب ده بقي دورنا طب ازاي . 

ده بقي اللي هنعرفه في مقالى القادم ... انتظرونى 

رئيس قسم هو وهي : داليا طه
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين