2054208194886930964305459023536687124329124620425345324432245227212526005525430010231005910972575227800005423858567245242500231905922702611555

12/20/2017

رساله من امراه انكسر جوانا حلم


بقلم : داليا طه
حلم جميل حلمناه وأحنا صغيرين ، من كتر ماقعدنا وسمعنا عن حكاوى الحب وقد ماأحنا صدقنا القصص ، وعاش كل واحد فينا في أحلامه القصه دى ،وعشنا جوا ذكريات اﻵخريين قصص حب وألم وفراق ولقي وجواز ، وإحنا في إعتقادنا حتكون قصتنا زيهم قصه من ألف ليله وليله ، قصه اﻷمير واﻷميره ، والفارس النبيل وحبيبته ، كل قصه قريناها وكل شعر فهمنا عن الحب زود حلمنا وسقاه حب في حب ، تجري تتفرج على فيلم وأد إيه الحب ينتصر رغم كل شئ والبطل في النهايه بيجوز البطله ، وإحنا نقول في نفسنا أكيد أما نكبر حنعيش قصه حب يحكى عنها كل الناس ، يتعلمها كل الناس ، حيتحفر على الشجر ويترسم علي الرمل أسامينا وقلب ، وحندور على الحجر علشان نحفر عليه أسامينا وأحنا عارفين إن الحجر أقوى من الشجر والرمل وحيخلى أسامينا ذكري لينا ولاولاد ولاولاد اولادنا ، ماأحنا أكيد حبنا مافيهوش فراق ولا بعاد ، أكيد حب أبدى مافيهوش غلطه مافيهوش أنانيه ، مااحنا خلاص عرفنا وذاكرنا اللى قابلينا ، عطاء وحب ودعوه وايد في الايد واحتواء وطبطبه وكل حاجه حلوه حنعملها ، وفجاءه يخبط علينا الحب من غير إستاءذان ولا إحم ولا دستور ، ماأحنا كنا مستنينه من زمان ، مستنين بشغف ووله وحب ولكن لﻷسف مش هو ده اللى حلمنا بيه ولا أتمنناه جيه الحب بس جيه معاه اﻵنانيه ووعود كدابه جيه معاه خيانه ورا خيانه وضحكه تألم وتوجع ، بعدنا وقولنا أكيد مش ده حب حياتنا يمكن نصيبنا في الحب ماجاش ، ونقول خلاص مانفكرش ونسكت ونفضل نحلم وبس ويجى حب جديد يزلزل فؤادنا ، ونفتكر إنه هو ده وبس نقف تحت الشجر في الحر والمطر منتظرين حبيبنا يعدى ، وننتظر يوم بعد يوم ضحكه ونظره وحب صافي ماإحنا حلمنا بحلم وصدقناه أفتكرنا اللى حبناه هو كمان حبنا لقينا اﻵنانيه رجعت تانى والغدر كانت نهايته ، ياريتنى ماحبيت ولا صدقت حكاوى الحبيبه ماقلوش إن الغدر والخيانه طبع الحبيب ، ضحكوا عليا وكنت فاكره إن لسه نصيبي ماجاش ، علمتونا غلط وسمعتونا غلط وخلتونا نقرإ غلط ، مافيش حب وتضحيه مافيش كلمه حلوه حقيقيه تطلع من القلب للقلب ، كلوا أنانى وعايز دايما تنازلات وهو رافع رأسه لفوق ومش شايف قلب بيتوجع ، دموع نازله وآلم من كتر الوجع ، ضحكوا علينا أما فهمونا إن فيه حب بجد ، وحنعيش ونكبر مع بعض واولادنا واولاد اولادنا حيشوفوا على الصخر أسامينا ، ماهى الشجره أتقطعت والموج مسح اسامينا ، ومش حنعرف نحكي زيهم عن حكوينا .
كان جوانا حلم وانكسر

رئيس قسم هو وهي : داليا طه
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين