2054208194886930964305459023536687124329124620425345324432245227212526005525430010231005910972575227800005423858567245242500231905922702611555

12/01/2017

كبرت وخايفه قوي ياأبني



بقلم دكتورة / إيمان الريس

ابني حبييي يوسف ، لما كنت بفضل شايلك طول الليل والنهار خايفه عليك من الهوا الطاير ، كنت بقول لنفسي امتي تكبر يا نور عيني .

ابني حبييي

كبرت وخايفه قوي من الوحدة لما اكبر ، من ضعفي واحتياجي لحضنك وسؤالك واهتمامك .

ابني حبييي كبرت خايفه آكون حمل عليك في شبابك افضل استنا منك حتي كلمة في رسالة.

أبني حبييي كبرت وخايفه ان كلامي لما بتكرار حكايتي لما تكرار عصبيتي علي اقل حاجة تزهق مني استحملني ياحبيبي اصل انا يا ما شلت عنك واستحملت تاتاتك وكلامك اصل ساعتها مش هفتكر اني حكيت الكلام كذا مرة استحملني ياحبييبي أصلي هكون مبسوطة وانا بحكي معاك و ليك .

ابني حبييي كبرت وخايفه من الزمن والمرض والوحدة و الحوجه لغير الله بس عارفهً انك هتكون معايه اصل انا طول عمري معاك علي سريرك وفي المنامك.

ابني حبيبي كبرت وخايفه اتقل عليك بمكالمة تليفون محتاجة اسمع صوتك وانت في حضن مراتك وأولادك اسمع ردّك يوجع قلبي .

ابني حبيبي كبرت وخائفة اني احتاج بق المياه او حتت لقمه ورجلي مش مساعدني اقوم بنفسي ، واخاف أكلمك تكسفني.

ابني حبيبي كبرت وخايفه من الزهايمر لحسن في يوم آكون عبء عليك وتهرب مني تقول مش امي اصلها كل شويه في مكان شكل

ابني حبيبي كبرت خايفه 

احسن ترميني في دار المسنين وأكون تحت رحمة ما لا يرحم وأموت حتي من غير ماشوفك انا عايزةً اموت في بيتي و حضنك ياحبيبي.

ابني حبيبي كبرت وخايفه ان بابا ينام لوحده وانا لوحدي وأموت لوحدي من غير ماتحس بيه مع صوت اذاعة القران الضعيف زي جسمي .

ابني حبييي كبرت وخايفه منك وعليك من الزمن والحياة كنت بقول امتي تكبر وتشيل همي ودلوقتي انا اللي شايلك وشايله همي وحملك معاية خايفه من الزمن ياخدك مني بس افتكر اني بحبك .


التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين