أدم وحواءعام

رساله من امراه




بقلم : داليا طه
حقيقيين مش مزيفيين
في ناس مجرد انك قلتلهم يعملوا حاجه او يشتغلوا تلاقيهم شغالين بايديهم وسنانهم ، مش موضوع اثبات للذات او مادى ، الموضوع ساعات بيبقي حب في الانسان اللى ادالهم الثقه دى، بيحاولوا انهم يعملوا كل حاجه مظبوطه واكتر ، وساعات بيبقي ليهم مستوى معين صاحب الشغل قايلهم عليه ، لكن بسبب الحب ده يساعدوا بكل شئ سواء عرفينه او مش عرفينه ، او حتى هو ماقلهمش بيبقوا عايزين يفجئوه يشوفوا الابتسامه على وشه انه كان شايل فوق راسه حاجه يعملها ويقولوله ايه رتيك اللى انت كنت بتفكر فيه عملناه ، ممكن يغيروا نظام ترتيب حاجه ، بس علشان يعلوا مستوى المكان اللى شغالين فيه ، وبيبقي في الاخر منتظرين ابتسامه او كلمه رضي بتعليهم سابع سما ، ولو اللى قدامهم اتصرف العكس وكان بارد وعادى في مشاعره بينكسر ، طب ليه علشان اللى قدامه ماحطش نفسه في اللحظه مكانه ، حقيقه جربت تحط نفسك للى بيشتغل بذمه واكتر شويه فكرت ان في ناس ممكن تسعدك من غير مصلحه ، فكرت ان اللى ادامك انسان حساس جدا ، وانه بيحسس على عقلك وبيقولك انه بيقدرك بزياده ، مشكلتنا انحنا كتير الحياه علمتنا ان كل فعل رد فعل ، ان الحياه مصلحه ، ان كل حاجه وليها ثمنها ، ان كل واحد بيعمل زياده يبقي ده مسح جوخ ، ماتعلمناش ان في ناس رساله من ربنا لينا في وقت صعب ، ان ربنا بعتلنا ناس شفافه حساسه بتحسس علينا علشان متزعلناش ، ان الدنيا لسه بخير ومش كل قريب منا ليه مصلحه ، ان في حاجات في الدنيا ساعات مش مفهومه غير اما تمشي او تبعد او نفقدها ، ابحثوا على ناس هم من ضمن رزقكوا ، ناس فعلا مش محتاج تفكر الف مره هما زي غيرهم اكيد ، صوابعك مش زى بعضها ، فكر شويه مع نفسك وانت حتلاقي نفسك خسرت ناس كانوا حقيقيين مش مزيفيين .

رئيس قسم هو وهي : داليا طه

مقالات ذات صلة

‫4 تعليقات

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock