حياة الفنانينعام

لقاء خاص لمجلة ” سحر الحياة ” مع مصممة الأزياء بتول المرصفي..و أحدث صيحات شتاء 2018




حوار غادة محسن إبراهيم


بحكم شغل والدى اتنقلت كتير من بلد لبلد.

والدى هو اكثر شخص اثر فى نشأتى.
دراستى بعيده عن شغلى ودا ممنعنيش انى اشتغل الشغل اللى بحبه.
بحب الفاشون منذ صغرى وكنت بلبس اخواتى.
أول من صدر فكره التربون لمصر هى الشيخه موزه ،وهو منتشر بشكل كبير بين الافارقه.
فى شغلى بحاول ارضاء جميع الاذواق.
فى كولكشن 2018 حاولت اكسر قاعده ان الشتاء الوانه غامقه فقط.
دايما بفصل حياتى الشخصيه عن شغلى حتى لا يؤثر احدهما على الاخر بشكل سلبى.
ورثت الذوق الراقى عن والدتى.
طموحاتى الارتقاء بالذوق العام والتجديد المستمر لشغلى…

ان كثره المهام التى تنشغل بها المرأه المصريه كأم وزوجه وموظفه قد ينسيها الاهتمام بجمالها واناقتها ،وذلك قد يؤثر على نفسيتها تأثير سلبى ،ولهذا لابد ان تخصصى لنفسك سيدتى حتى ساعه يوميا للاهتمام بجمالك واناقتك والاستمتاع بما يسعدك ؛لتجديد نشاطك وحيوتك لاكمال حياتك بسعاده، وهناك من يساعدنا لنتعرف على احدث خطوط الموضه باعمالهم الانيقه والتى تواكب الموضه العالميه لابراز الجمال والانوثه، وحوارنا اليوم مع مصممه الازياء ومكملات الاناقه…بتول المرصفى…..
حدثينا عن نشأتك ؟
انا مواليد القاهره لكن بحكم شغل والدى كانت بتنقل كتير من بلد ل بلد و عاشت فتره طويله بره مصر إكتر شخص أثر ف نشانتى هو والدى اللى ربنى على انى أكون شخصيه مستقله و انى أتحمل نتائج جميع اختيارتى مهما كانت و كانت بعشق حكاياته عن البلاد اللى كان بيسافر ليها و موقفه ف كل بلد و كان دايما يعشق الاناقه و الفخامة و ده حفر فيه حب التنوع و الاناقه و التميز.

هل لدراستك دور فى عملك؟
الحقيقه انا دراستى بعيده تمام عن شغلى. أنا خريجت الألسن و لكن ده مامنعنيش انى اشتغل الشغل اللى بحبه لانى اتعودت أتحمل نتيجه جميع قراراتى رغم اعتراض زوجى الشديد ع شغلى لكن ده عمره ما رجعنى عن قرارى بل بالعكس اخدته تحدى انى أن شاء الله اثبتله انى قرارى صح..
من اول من اكتشف موهبتك الفنيه؟وكيف بدأتى؟
الحقيقه مفيش حد اكتشفها هى طلعت لوحدها من صغرى و انا بحب الفاشون و التجاره و دايما كانت بلبس اخواتى و بختارلهم ملابسهم برغم انى اصغرهم و ده زاد فيا الشغف والمحبه للفاشون و بقيت دايما أحاول اتابع الموضه و ادرسها. بدأت من 5 سنين و فتحت مكتب جمله لاستيراد الملابس و قرارت من 3 سنين انى ادرس الفاشون من شده حبى ليه و بقيت ارسم و اصمم شغلى و انفذه والحمد لله لقيت محبه و تشجيع من الناس لشغلى و ده شجعني انى استمر مش بس ف ك دزينر لا كمان انى طول الوقت اتعلم عشان اقدر أتقدم و أقدم تصميم مختلفه و انيقه و شيك.

اى بلد صدرت الينا فكره التربون وكيف اصبغت عليها طابعنا المصرى ؟
الحقيقه فكره التربون موجوده من زمان لكن بمرور الوقت بيتم تطويرها يعنى زمان كان السيدات بيلبسه بونبيه و هو شبيه التربون و أول من صدرت لنا فكره تطويره كانت الشيخه موزه هى من أول من لفت نظر العالم العربى التربون ف شكله الحديث و خصوصا أنها مثال جيدا الاناقه و الشياكه و أيضا فكره التربون موجوده عند الافرقه بشكل مختلف و ألوان زاهيه و ملفته. فكرتى ف تربون انى اجعله شيئا مميز و انايق و شيك و مريح لكل سيده بأشكال مختلفه و باكتر من دزين ليناسب جميع الوجوه و جميع الازوق بمتريل مميز و شيك و مريح جدا ليناسب جميع الاعمار و الازواق.

حدثينا عن مجموعتك لشتاء 2018مم استوحيتى تصميماتها وما الخامات الجديده التى ادخلتيها فى تصميماتك ؟
كوليكشن شتاء 2018 قسمته ع مجموعتين بعنوان unique. 
الاولى تربون و حبيت اكسر فيها قاعده أن الشتاء الألوان الغامقه فقط و دخلت فيها ألوان زاهيه و فلور و مشجرات مثل الأحمر أوف وايت جولد زهرى بينك بيج و تميزت باكتر من متريل مثل دراى ستان تركى مطعم برابطة فيونكه هندى. تل فرنسى فلورى بتطريز بارز. تل هندى مطرز بسيرما الهندى البارز و متريل ليكرا ررائع باكتر من لون و ناقشه ليرضى جميع الازوق.
المجموعه التانيه عباره عن كاردجان و شلان من الفرو الطبيعى المميز بأناقة و الشياكه والفخامه ب اكثر من لون مميز مثل الجنزارى البيج البنى اوف وايت نبيتى و الفرو المطعم بجلد الطبيعى . المطعم بشغل هندميد بارز و التطريز الهندى بسيرما و الخرز القطيفه الهندى البارز و أضافت مجموعه من الاسكارف الفرو الطبيعى باكتر من لون لتكتمل المجموعه لأى امرأه تبحث عن التميز و الاناقه و الشياكه و الفخامة لكى تشعر كل امرأه أنها unique…

هل يتناسب التربون مع كل انواع الوجه ؟
دائما احرص ف شغلى ف اى كوليكشن انى أحاول أرضى جميع الأذواق و جميع أشكال الوجوه عشان كده الكوليكشن بتاعى فيه حوالى 10 دزين من التربون بأشكال و ألوان و دزينات مختلفه و كوليكشن التربون يحتوى ع 30 موديل مختلف يناسب جميع الوجوه و جميع الاعمار و جميع المناسبات . هدفى ك دزينر انى أريح كل امرأه و اجعلها تشعر براحة و التميز و عدم الحيرة.
هل اثرت حياتك الشخصيه على عملك ؟
انا دايما بفصل حياتى الشخصيه عن شغلى تمام عشان مفيش حاجه تاثر ع حاجه و ده الحقيقه مريحنى جدا و اتمنى انى احافظ عليه دايما.

هل ورثتى موهبتك الفنيه من احد ام هى موهبه انفردتى بها ؟
ورثت الذوق الراقى من امى فهى دايما تحب الاناقه و التميز والشياكه و اكيد ده أثر ف شخصيتى و جعل من ذوقى افضل..
ما هى طموحاتك على المستوى الشخصى والمهنى ؟
طموحى انى أحاول دائما ارتقى و اتجدد و اتعلم ف شغلى و أكون احسن من قبل و أحاول ارتقى بذوق العام للأفضل أكون عن حسن ظن ربى و عملائى الكرام..
اتمنى ان دايما اتحسن و اتغير للأفضل و أن كل مره بعمل حاجه بقول أن لسه بدرى اوى و بحاول اعمل الاحسن و الاحسن و اجدد من نفسى و اوسع من رؤيتى و احسنها…

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock