2054208194886930964305459023536687124329124620425345324432245227212526005525430010231005910972575227800005423858567245242500231905922702611555

1/11/2018

وجع



بقلم/إسراء أحمد

لما بنتوجع من أعز الناس لينا بيبقى صعب الوجع أوى علينا،لما الضربة بتجيلك من حبيب أو صاحب أو صديق بيبقى الوجع بميت ألف وجع،بس يا ترى هو الحبيب أو الصاحب أو الصديق ممكن يوجعوك أوى كده؟!،يبقى انت من الأول كنت غلط،أكيد لا ده كان حبيب ولا صاحب ولا حتى صديق،إحنا اللى اختارنا من البداية الشخص الغلط وخلنا جوانا فى المكان الصح،وساعتها بيبقى صعب علينا إن الشخص اللى وثقنا فيه يجرحنا كده،والغريبة مش بس يكتفى بكده لأ ده بيدوس أوى على الوجع،وكأن خلاص مفيش حد بعده هيوجعك،فبيوجعك بزيادة له وللزمن،ويرجع ويقولك معلش حقك عليا،لأ استنى هنا متبقاش كل مرة انت الغبى،سامحت مرة واتنين بزيادة بقا،حاول تحط حل للمهزلة،ما هو كل مرة هيجى ويقولك حقك عليا ويوجعك عشان عارف إنك هتسامح وتنسى فى ثوانى،ما تهربش منه واجهه وقوله خلاص لحد هنا وكفاية كده،امشى وكمل حياتك بعيد عنه،حاول تنسى ،ابعد عن المنطقة دى على قد ما تقدر،خرج الطاقة اللى جواك فى اى حاجة بتحبها،دور على الباقى منك واحتفظ بيه،ادى لنفسك فرصة تتعرف على ناس بس يتمنوا يقابلوك لو صدفة من غير حتى ما يكلموك لو بس بعنيهم هيشوفوك،ادى لنفسك فرصة تختار صح ومتفضلش تبكى على الماضى،اسعد نفسك لأنك الوحيد اللى تعرف تحبها،وخلى بالك مهما كانت العتمة سايدة مسير النور يغطيها.
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين