شعر وحكاياتعام

مخصماني


سامية عبد الخالق
~~~~~~~~~~~~

ارجوك تعالى خدنى منى 
ارجوك ماتسيبنيش معايا 
انا مخصمانى 
ومش عاوزة اكلمنى تانى 
عقلى قدم طلب نفسه ف اجازة 
قلبى اشتكالى منى 
ارجوك تعالى خدنى منى 
تعالى قبل ماروحى  تهاجر 
وتلاقى سما تهيم فيها 
وماترضى ترجع تانى 
ارجوك تعالى خدنى منى
خايفه ف السما اتحاسب 
وانا زعلانه منى 
ح اقول ايه هناك 
طب حتى تعالى غششنى
او حتى كلمه ف ودنى تطمنى 
او حضن استخبى فيه منى تاخدنى 
ارجوك تعالى خدنى منى احسن قلبى واجعنى 
وعيونى اشتكوا منى دمعى سال غصب عنى 
ارجوك ماتسيبنيش معايا انا بموتنى

مدير قسم الادب و الشعر
علا السنجري

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock