2054208194886930964305459023536687124329124620425345324432245227212526005525430010231005910972575227800005423858567245242500231905922702611555

1/09/2018

مقالات وحكايات ماما زوزو/ العصيان


بقلم دكتورة زينب زكى
قلبى أعلن العصيان .. أفصح عن كل رفضه .. واستنكر كل قراراتى .. هدد .. بتوقف نبضه .. وإحتجز اليوم حياتى .. ساومنى .. كى أسحب كل إهاناتى .. قلبى أصبح ثائر .. جاءك يوما صاغر .. يأبى .. يأبى أن يبقى مسجونا بين يديك .. يأبى أن يذرف دمعا .. أسفل قدميك .. واليوم .. اليوم أقولها لك .. بيدى لا بيديك .. سأمزق قلبى ..
وتبقى كلمات لكنها ليست ك الكلمات ..
إحنا مش محتاجين حد يحبّنا .. إحنا بقينا محتاجين اللى يحس بينا .. اللى يفهمنا فعلاً زي ما احنا .. بقينا محتاجين اللى يصدق ضعفنا وقلقنا وخوفنا من الأيام .. اللى قادر يحتوينا برغم العيوب اللى جوّانا .. يلتمس لشعورنا ألف عذر .. خلاص بطّلنا نصدق حد يقولنا كلام حُب .. كِرهنا أي انفعال كداب .. رافضين أي شهد وحلاوة لسان .. احنا محتاجين فعلا " إنسان " بمعنى كلمة " إنسان " تكون الرحمة أسلوبه .. والإحتواء منهجه .. والإحساس جيناته الوراثية .. كم الرُعب اللى بقى موجود في النفس البشرية أجبرتنا نتغاضى كتير عن أي تجربة حُب معدومة المصداقية .. معدومة الأفعال .. صدق اللى قال شبعنا كلام لحد ما ارتوينا .. ما بقاش من الصعب فعلا تلاقي اللى يحبك .. لكن بقى الأصعب تلاقي اللى يحسّ بيك .. يخاف عليك بجد .. ويعمل لزعلك ألف حساب .. اللى يثبت لك فعلاً إنك كل همّهُ .. وشأنك هو شأنه .. ودقيقة غياب منك تساوي عمر بحاله .. انت مش محتاج نُسخة منّك في الطِيبة ولا في الحُب .. انت محتاج الرّوح اللى تجمّل الدنيا في عينيك .. الرّوح اللى تشدّك للسعادة .. انت محتاج الروح اللى تحسّ بأدق تفاصيل تعبك في عز ضحكتك العالية و مرحك الكداب وتظاهرك باللاّمُبالاة ...
ماما زوزو
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين