أدم وحواءعام

العقاب جريمه في حق الطفل




كتبت مدربه تربيه ايجابيه: شيرين محمد

كانت خارجه في مكان ما انا واسرتي لتمضيه وقت للفسحه والاستجمام و ارتاح شويه من ضغط الشغل وكان اليوم بجد جميل ولكن اللي عكر صفوه اني رأيت ام ماسكه ابنها وهاتك ياضرب وشخط وزعيق و اهانه والطفل الغلبان لاحول له ولا قوه ده فكرني بكذا حاجه علي مدار حياتي العملية اكثر من عشر سنين شغل مع الاطفال دايما بلاقي اي مدرسه جديده لسه داخله تدرس للاطفال بتتفنن في ايذائهم سواء ايذاء نفسي او تستخدم التايم اوت وحتي في البيت الام لما بتعاقب الطفل بتعاقب بغل كأنها بتنتقم منه ليه دايما بنفرغ شحنه غضبنا علي الكائن الضعيف اللي مش قادر يدافع عن نفسه تقدري انتي تضربي جوزك او مديرك او مديرتك او تدي لزوجك تايم اوت…طيب ليه بقي بنعمل كده في اولدنا اغلا حاجه عندنا … طيب تعالو نتكلم بقي عن تأثير العقاب ويشمل الضرب الحرمان التايم اوت او النوتي كورنر علي مخ الطفل وقت العقاب مخ الطفل بيفرز ماده الكورتيزول والماده دي سامه وبتدمر الوصلات العصبيه في دماغ الطفل وبتشل قدرته علي الاستيعاب ده الجانب العلمي طيب تعالو بقي نشوف الجانب النفسي ونظره الطفل لنفسه انه إنسان غير مرغوب فيه و بيعلمه الكذب طيب انا هعمل بقي اي حاجه من وراهم عشان متعاقبش …انا مش قادر ادافع عن نفسي دلوقتي بس لما اقدر هنتقم … هيطلع العنف ده علي اللي اضعف منه من اصحابه … عشان كده نلاحظ الطفل اللي بيتعاقب بيمسك لعبته في عمر ماقبل المدرسه ويبدأ يتفنن في عقابها ويعمل نفس العقاب اللي اتعمل فيه ….طيب العقاب ده علمه اي مهاره لا .. علمه مهاره حل المشكلات لا …. علمه مهاره اداره الغضب لا …علمه مهاره التواصل لا …. العقاب لا يعلم مهاره …. طيب بطل يعمل الفعل اللي انتي عاقبتيه عشانه لا بالعكس بقي بيعند و بيعمله اكثر …. بقي بينفذ اللي انتي عايزاه عشان بتضربيه لكن لو حد عامله بطريقه محترمه هيبقي في منتهي قلة الادب قدام اللي قصاده مش بيضربه هيعمل اللي هو عايذه … طيب في اي طرف استفاد سواء انتي او الطفل … الكل خسران طيب هتقوليلي لما يغلط اعمل ايه … في اساليب و طرق وادوات في التربيه الإيجابيه تقدري تستعيني بيها ٥٢ اداه لكيفيه التعامل مع الطفل … ولو انتي مش هتقدري تقري وتنفذي كل ده في الوقت الحالي ومحتاجه وقت يبقي علي الاقل لما الطفل يعمل حاجة غلط من وجهة نظرك بلاش العقاب… نحتويه ونحضنه ونفهمه الغلط براحه ونحترمه ونكرم إنسانيته و نعمل اقرار مشاعر validate feeling نتعامل مع مشاعره ونقدرها و بلاش نسخر منها وبلاش نفهمه الغلط وهو غضبان او زعلان عشان الجزء المسئول عن التفكير والمنطق في المخ بيكون متوقف تماما وقت الغضب نستني لما يهدي ونفهمه و طبعا نتفهم طبيعة المرحله العمريه اللي بيمر بيها الطفل 
دمتم إيجابين
رئيس قسم هو وهي : داليا طه

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock