شعر وحكاياتعام

تحت المطر

بقلم/ شيماء الهرميل 
تحت المطر …غمضت عينى 
وافتكرت مرة زمان كنت باتمشى تحت المطر 
قابلتنى بنت جميلة سكرة ….
ضحكت عنيها منورة…. 
ضمت كفوفها صغيرين
جمعت فى حضن ايديها حبااات المطر….
ولقيتها زارعة قصادى وردة…
قالت لى هنسيبها هنا تكبر ويرويها المطر ….
قلت اتفقنا وبعدها
ايدهاا الكاميلة بوستها
ووعدتها 
عمرى ما هانسى عيونها ولا انسى اسمها
كملت عادى فى سكتى بعد السلام وسيبتها
مرت سنين وسنين شتا ..
بس النهارده الشمس ماليه الكون دفا….
بصيت لقيت قدامى شجرة مفرعة…..
والورد طارح أحلى لون على غصنها…..
عصفورة لونها جميل بتبنى عشها…
وضحكت من قلبى افتكرت ….. 
هى دى الورده اللى زمان زرعناها سوا …..
يوم ما قابلتنى البنت القمر
من كام سنة تحت المطر

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock