2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/19/2018

البدلات:





شيرين محمد مدربة تربية إيجابيه معتمده من مؤسسة التربية الايجابية الامريكية

كنت خارجة مع صديقة ليا في احدي المولات و كان معانا ابنها عنده ست سنين و الدنيا كانت لطيفة الولد شاف لعبة عجبته قامت اشترتيهاله .... شوية شاف لعبة تانية شبط فيها ودار الصراع المعتاد .... انا لسة جيبالك لعبة انت مش بتشبع والله عنده لعب كثير زيها في البيت ... وتبصلي وتقولي انا مش حرماه من حاجة والولد قاعد يعيط ويصوت ورمي نفسه علي الارض ودخل في نوبة غضب وهي مش عايزة تسكت و عماله تقطم فيه المهم اضطريت اتدخل و احتويت الولد واقريت مشاعره و الحمد لله هي سكتت بس ده خلاني افكر احنا ليه مش بنستخدم اداه حلوه جدا في التربية الايجابية اسمها البدلات allowances يعني ايه بدلات ده مبلغ بتتفق عليه مع الطفل علي حسب امكانياتك ....والمبلغ ده بيخده اسبوعيا و المبلغ ده بعيدا عن مصروفه اليومي وبعيدا عن اي لعبه متعوده تجيبهاله خلال الشهر يعني لو انتي بتجبيله لعبه او لعبتين كل شهر ده ملهاش علاقه بالبدلات لو الطفل احتاج بقي لعبه زياده اكثر من اللي بتجبيه ممكن يجبها من البدلات ملكيش اي دعوه بالبدلات دي غير انك هتتفقي معاه ان مش هينفع نصرفها مثلا علي الحاجات الحلوه او علي اي حاجه تضرك لكن غير كده متدخليش ... متحوليش البدلات لوسيلة عقاب او حرمان للطفل ( يعني لو عملت كذا ... هتاخد البدلات ولو معملتش مفيش بدلات)ماتربطيش البدلات باي مهمه يعملها الطفل يعنى ( لو وضبط غرفتك هتاخد بدلات ) كده الاداه هتفقد هدفها.... هتقوليلي يعني ياخد مصروف وكمان بدلات في الظروف الاقتصادية اللي بنمر بيها .... هقولك انتي بتصرفي اضعاف اللي هياخده علي اللعب والحاجات اللي بيطلبها ده احسن وقت اعلمه قيمة الفلوس ويتحمل المسئوليه ويتدرب يدير شئونه بنفسه ...طيب هتقوليلي هو هيتعلم ايه من اداة البدلات هيتعلم قيمة الفلوس وهيتحمل المسؤلية و طبعا هتحسسه بالانتماء والاهمية و طبعا لو ابنك راح اشتري بالبدالات لعبه وكسرها وجيه بقي يقولك انه محتاح بدلات تاني طبعا هتقري مشاعره وتتعاطفي معاه ومش دورك انك تنقذيه وتديله فلوس تانية عشان يتعلم من اخطاءه وطبعا لو جاب ببدلات لعبة وكسرها او اشتري لعب تانيه وانتي شيفاها من وجهة نظرك ان ملهاش لازمة ... بلاش لوم وعتاب وتأنيب للطفل هو لسه بيتعلم وبيتدرب علي صرف البدلات وبيتعلم قيمة الفلوس
دمتم إيجابين
رئيس قسم انت الحياه: داليا طه
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين