2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/26/2018

وريقات أربعينية




بقلم د. غادة فتحي الدجوي

وريقتي السابعة ستحمل عنوانها بنفس الرقم سبعة!


في تدريب في التنمية يكتبوا فيه رقم ٧ في ورقة و يحطوها علي الأرض و واحد فينا عند رأس ال٧ و واحد فينا يقف عند نهايتها ، يعني واحد منا يشًوفها ٧ و التاني يشًوفها ٨ علشان نفهم ان ممكن نفس الشيء كل واحد منا يشوفه بمعني أخر من ناحيته و علشان تفهم و تصدق إن الثاني صح لازم تتحرك و تروحله و ساعاتها هتصدقه و تشوف بعيونه، و احتمال تأخد التاني معاك علشان هو كمان يشوف بعيونك ساعاتها هتلاقوا أكتر من حاجة تتشاركو فيها و تتكلموا و تتبادلوا أفكار و حكايات .. فكروا ليه باحكيلكم الحكايه دي علي ما احكي لكم حكاية تانية...
و متزعلوش إن الأبطال حيوانات فأنا أحب كل المخلوقات و أصدق أننا بنتعلم منهم دروس كتير ... كان في ٢ حيوانات مربوطين من رقبتهم و الحبل مش طويل و يمين الحيوان الأول شوية برسيم و يمين الحيوان الثاني كمان شويه برسيم و كل واحد منهم عاوز يأكل و يحاول يأكل فيشد الحبل تجاه الأكل اللي جنبه و الحيوان الثاني يعمل نفس الحكاية لحد ما اتجرحت رقبتهم هما الإثنين ، فقرروا يلتفتوا لبعض و اتكلموا و اتعاتبوا و زعلوا علي الدماء اللي بقت علي رقبتهم من شد الحبل ، ساعتها قرروا يمشوا لبرسيم الحيوان الأول و يتشاركوا الأكل و بعدين يمشوا لبرسيم الحيوان الثاني و يتشاركوا الأكل كمان ... 
دلوقت أقدر اقولكم ليه الحكايتين ، لأننا في أول حياتنا مش بنشوف صح إلا وجهه نظرنا و كأننا بس اللي اتعلمنا الموضوع ده و خبراء فيه و ده بيخلينا منتعلمش من الناس حوالينا ... ده غير إننا كمان أحيانا بنجرح اللي حوالينا بمنطق الغاية تبرر الوسيلة و في الأخر نلاقينا كمان انجرحنا و يمكن وقتها منعرفش نلتفت لبعض علشان نتفاهم...و بعد مرور وقت نلاقي كل ده مكانش يستاهل ... تعلمت و أنا في الأربعين أن نجاحي في الحياة ٧٧٪‏ منه علاقات طيبة و محبة من القلب هتخليك تعمل ٧٪‏ مراجعه للنفس قبل النوم اللي هتوصلك ٧٪‏ محاولة تصحيح أخطاء و ساعتها هتعمل ٧٠٪‏ من شغلك صح بدون أخطاء و ١٠٠٪‏ من حياتك هتعيشها ٧ مرات " رضا ربنا، إتقان عملك، محبة عائلتك، مراجعه نفسك، علاقات طيبة، تحقيق ذاتك، رضاك انت عن حياتك" 
و يمكن ساعتها هدفك يكون إنك تعيش مبسوط و ده هدف صعب جداااا لكن مش مستحيل و عاوزه أقولكم ان هو ده بقي هدفي بعد كل السبعات اللي في حياتي ... هدفي اللي بحاول كل يوم أحققْه إني أكون "مبسوطة" و علي فكرة نسب السبعة دي متغيرة كل واحد حسب حياته لكن مفيش نسب ثابتة...

ادعولي أحققْه كل يوم و أنا كمان هادعي لكم إنكم تكتشفوا أهدافكم و تكونوا مبسوطين بس قبل الأربعين!
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين