شعر وحكاياتعام

أنا إنسانة




ريهام مصطفى 

مش طالعة بمنظرين ، ولا واحدة بوشين ،
أنا روح فيها الشر وفيها الخير،
أنا إنسانة قبل الإتنين ..
وقت الفرح تلاقينى بضحك ووقت الحزن طبيعى أبكى 
مش نكدية ، مش كئيبة .. أنا دوشة ويا هيصة، مش مسموعة وسط كوسة ..
حقيقة حرة وسط زيطة ، زيفة ، فى دنيا عايزة تبقى فارغة ..
الناس فكرانى ضعيفة هشة ، ميعرفوش إنى قادرة .. 
مش بالمعافرة والمناهدة ، بالمحبة والمودة ..
مش هابقى سمكة فى بحر وهم .. أنا هابقى وردة يسقيها مهتم .. 
هايقولو علية عنجهية ، تنكة ، متمردة ، مفترية .. 
لكن كرامتى أولوياتى ، مشاعرى ،إحساسى كل حياتى ..
لو تقبل إنك تبقى لعبة يبقى على الدنيا السلام ..
هاتعيش فى غيمة كبيرة سودة ، هتلاقى نفسك وسط ضلة ، مسيرها يوم هاتبقى صحرا ، وتعيش وحيد فى بحر نار ..
كل الحكاية إنى إنسانة فى زمن ميعرفش البراءة ، يعرف بس ثمن السيجارة .. 
لف وأرجع من قدامى ، مش أنا إللى تستنانى..
أنا عايزة أعيش وسط معانى ، ميهمنيش شوية أغانى .. مسيرها يوم تكون ثراب .
.
.

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock