2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/24/2018

يوم جيتك



 

يوم جيتك أنا 
تمنيت ماترديني
تحملت العنا
لجل كلمة ترضيني


جهلتي عذابي بغرورك
وعلي تجبرتي
تدرين غريق ببحورك
وعلي تكبرتي

مدري مين غيرك 
وقسى قلبك علي 
إشلون قدر يبدلك
وتدرين انك لي ضي

غلطة من غير بقصد
خلتك تنسي الحنين
بليلة شتا وبرد
زودتي دمع العين

لمين اشكيك و أتوسل
وانا أغلى ما عندك
قلتيها يوم جيت أسأل
وكان ذاك هو ردك

ليه الحين هجرتيني
ولاعاد لي عندك خاطر
بخنجر يدك ذبحتيني
وتقولين روح ياشاطر

إشلون بلحظة هنت
ولا صار لي عندك رجا 
انا اللي كنت وكنت
واليوم كل شي مضى

حسافة على مافات
حب حسبته للخلود
صار مجرد ذكريات
ولا عاد له باقي وجود

اتاري الحب كان لعبة
وكلام يمسحه كلام
قمر كنت دوم أحبه 
غاب وخلاني بالظلام

صائغ القوافي الشاعر 
فهد بن عبدالله الصويغ 
23-2-2018
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين