2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/23/2018

ازاي نتعامل مع التجاوز !!!





شيرين محمد مدربة تربية إيجابية معتمده من مؤسسة التربية الايجابية الامريكية

كنت بتكلم مع اختي وبنتناقش في موضوع.. فجأة هي اتعصبت ولقيت الحوار واخدنا للدخول في مجادله و هي ابتدت صوتها يعلي و بتزعق .... ساعتها قولت لا بقي اطبق التربية الايجابية ماهو مش ممكن اكون بدرب الامهات في الكورسات انهم يطبقوا ادوات التربية الايجابية وانا مستخدمهاش في حياتي واطبقها علي نفسي ... قولت انا هسيطر علي اعصابي ومش هخلي mirror neurons ( دي عباره عن خلايا عصبيه في مخنا عامله زي المرايا بتنقل الاحاسيس والمشاعر من اللي قصادك ليك...عشان كده لما تلاقي حد متعصب المرايا هتشتغل وتنقلك الاحاسيس دي وهتلاقي نفسك اتعصبت واتضايقت وهترد علي عصبية اللي قصادك بعصابيه ... زي كده لما تلاقي حد بيضحك هتضحكي تلقائي كده المرايا اشتغلت عندك )تشتغل عندي هستخدم اداه Donnot back talk back ومعناها متردش التجاوز بتجاوز الاداه دي من ادوات التربية الايجابية وهي بتساعدك توقف اي حد عن التجاوز معاك وبتحفظ احترامك ليه واحترامك لنفسك .... بصيت لاختي وقولتلها ...انتي شكلك غضبانه دلوقتي ... و انا ممكن تكون طريقتي في الكلام ضايقتك ... احنا ممكن ناخد وقت لغايه لما نهدي وبعدين نبقي نتكلم ..... وقفلنا المناقشة حاليا لغايه لما تهدي ونعرف نتكلم مع بعض في وقت تاني ....لقيتها باليل بتكلمني وبتقولي انا اسفة جدا انا كنت مضايقة قوي لما كنت بتكلم معاكي انتي بتحسسيني اني لسه صغيره ومش عارفه افكر ... قولتلها انا اسفه جدا اني وصلتلك الاحساس ده ... وهاخد بالي بعد كده وانا بتكلم معاكي ان ميوصلكيش الاحساس ده... وقولتلها انا كمان حاسه بالزعل لما عاليتي صوتك عليا واتمني تتكلمي معايا وتقولي اللي انتي عايزاه بهدوء( الخطوه دي اسمها l message ...رسالة انا...من اهم طرق التواصل مع الاخر .. وبتستخدميها لما تكوني محتاجه تعبري عن مشاعرك اتجاه موقف معين وخطواتها ... انا حاسه ( اسم الشعور ) عندما( الموقف) و اتمني ( الحل)...والحمد لله الموقف خلاص خلص ... لو بقي مكنتش استخدمت اداه back talk و قدرت اسيطر علي الmirror neurons عندي كانت المشكله كبرت و الزعيق زاد مابينا ونخرج بقي من المناقشة الاساسية ل انتي زعقتيلي لا انتي شخطي فيا ... لا صوتك انتي عالي ... لا انتي كلمتيني بطريقة مش كويسة و ندخل بقي في صراع مين اللي قال ومين اللي عاد ونسيب الموضوع الاساسي اللي كنا بنتكلم فيه ... الاداه دي ممكن تستخدميها مع ابنك المراهق لو لقيتي الحوار مابينكم داخل علي جدال والولد ابتدا يعلي حسه .... عليكي ... ممكن تستخدميه مع جوزك ... مع اصدقائك ... مع اطفالك... اي حد ابتدأ يتجاوز حدوده معاكي


دمتم ايجابين
رئيس قسم انت الحياه: داليا طه
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين