2054208194886930964305459023536687124329124620425345324432245227212526005525430010231005910972575227800005423858567245242500231905922702611555

2/26/2018

"الشخصيه الحساسه"


كتبت/سمية مجدي

* بتخاف ترفض لشخص طلب حتي لو ده هيكون علي حساب نفسها ، الشخصية دي اكتر شخصيه بتظلم نفسها وتفضل دايما جواها صراع داخلي وكتير بتيجى على مصلحتها عشان الناس .

* لما شخص يزعلها و تفكر انها تعاتبه و يزعل هو من عتابها ترجع تزعل من نفسها انها عاتبت علي الرغم ان معاها حق.

* مبتريحش نفسها ،لانها ببساطة بتزعل و تفضل تكتم جواها لحد ما تقرر انها متتعملش مع حد او لما تفكر تتعامل تقسي أوي علي اللي قدمها و ترجع تندم علي اللي بتعمله لان ده مش من طبعها

* الفراغ بالنسبالها مصدر سلبي لأي حاجة وحشة ، لان ابسط موقف بيحصل بتفضل قاعده مع نفسها وتفكر فى كل المواقف الصعبة اللي تعرضت ليها.

*لشخصية الحساسة هي اكتر شخصية تعطى الحب بدون مقابل ،، و اكتر شخصية ممكن تكره الحب ده لو كان سبب في اضعافها

*التعامل مع الشخصيات الحساسة ليه ميزه و عيب:

ميزه ،، انهم قلبهم طيب وحنين جدا عكس مبيظهروا و بيسامحوا اوقات كتير

عيب ،، بيدققوا في التفاصيل اوي ، عايزين معاملة من اللي قدامهم زي اللي بيعاملوا بيها ، و ده بيسبب لهم مشكلة اكتر لما يتعاملوا مع شخصيات مختلفه عنهم لانهم للاسف مش بيلاقوا المعامله الى مستنينها

*كمان بيسامحوا مرة و اثنين و ثلاثة بعد كده لما يقلبوا بيكونوا شخصيات تانية عصبية جدا ، ممكن ده يسبب لهم قلة ثقة بالنفس جواهم و إحيانا في كل اللي حواليهم

*الشخصية الحساسة ،، بتكتم جواها و بتحاول تراعي مشاعر غيرها و ده مبيكونش ضعف منها ،، هي بس باقية علي العشره ، إنما لما بتقلب مبتعرفش ترجع زي الاول

*نصيحة قدروا وجود الناس دي في حياتكم لان وجودهم سند حقيقي لأنهم اكتر ناس ممكن يهتموا بجد و اكتر ناس لما تزعل بتبعد بجد،حاولوا لو هتتعاملوا مع شخصية حساسة بلاش تتعبوهم لأنهم بيتعبوا لوحدهم بسبب طريقة تفكيرهم
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين