أدم وحواءعام

وريقات أربعينية



وريقات أربعينية

بقلم د. غادة فتحي الدجوي

و إليكم وريقتي التاسعة … دايما مش بفكر هاكتب لكم عن إيه، لكن المواقف هي اللي بتخليني اكتب و انهارده جالي أكتر من فكرة لكن في لحظة غلبت علي تفكيري حكاية…يوم المرأه العالمي و الشعارات المختلفة حول اليوم، أنا مش متحيزة لأي طرف طول عمري مع إني كنت متخيلة إن وجهه نظري ممكن تتغير مع كتر الأزمات أو التجارب اللي بنشوفها من الجوزات الفاشلة، لكن الحقيقة ده محصلش لقيت دايما وجهه نظري رغم الصعاب بتتأكد … بدل بقي كوني قوية و مفترية ، انتي الأهم ، و شعارات كتير حوالينا منعرفش البسطاء بيتعلموا منها إيه؟ 
تعالوا نرجع نقوي مفهوم مهم جداااا اسمه” احنا عيلة واحدة” علشان مفهوم العيلة اللي ضاع منتدي عصر التكنولوجيا و “الفيمينست” اللي فجأه بقي شعار عجيب، أنا مش ضد المرأه و لا ضد إن يكون لها كيانها و مكانتها الإجتماعية لكن ده كله بيكمل الصوره الحلوة اللي فيها أم و أب و جد و جدة و أولا و بنات، صحيح في أمهات أصبحوا أرامل أو مطلقات و لازم يتحملوا المسئولية لكن كمان بتلاقي في ظهرها أب أو أخ أو عم و خال.. و كنا بنشوف ف الأفلام زمان الصياد و مراته بتقدف و العامل و مراته بتشتغل في البيت ، لازم نسمع ولادنا و بناتنا ان ربنا خلقنا بنكمل بعض و نحيي مرة أخري مفهوم العيلة ، البنت تتعلم و لكن تعرف أن البيت في أدوار و ده ميقللش منها و إن الولد هيكون راجل و مسئول و الاتنين هيكونوا مسئولين عن حياتهم و اولادهم و إن الشعارات الغير مفهومه عند الناس أحيانا بتبعد الناس عن بعضها و يفتكروا إن البيت فلوس و وظيفة و مركز اجتماعي … لا صحوهم و قولوا لهم إن البيت كمان في ناس و سند و حد يأخد بإيدك و يقويكي و يتقوي بيكي … البيت من جدران كلها تحف لكن البيت جدران دافيه و كل لوحه او صوره متعلقه عليها لما تشوفها تفتكر ذكري حلوه او فلوس تعبتوا فيها سوي علشان تزين بيتكم… علموهم إن العدالة قبل المساواة و إن الحب قبل حق مين… و إن الكرامة مهمه حتي في البيت و الحب و إن مكانتك و مكانته الاجتماعية بتكمل بعضها و تتفاخروا بيها أمام العالم… بس أوعوا تنسوا تقولوا لبعض وحشتني، و تتهادوا علشان متعلمهومش خافي علي فلوسك و ماله خافي علي تعبك و علي فلوسك لكن متبقاش أزمه في حياتك … و قوليلها إن الست و هي في كل الإبداعات دي و في أعلي مكانه متنساش انها ست في شكلها و احترامها و أنوثتها و ان الراجل راجل بقلبه و عقله و كلمته و شكله…بإختصار يمكن لو رجعنا مفهوم ” احنا عيلة واحدة” نبقي ناجحين من غير كل نسب الطلاق من أجل أسباب تافهة أو عوانس من أجل الحفاظ علي شوية فلوس هيجي اللي يورثها… و ده مش معناه تقليل من أهمية الطلاق في بعض الحالات زي ما ربنا شرع… لكن علموا و اتعلموا ان ربنا خلقنا علشان نكون سوي و علقوا صوركم في البيت و انتم مع بعض عيلة بلاش الصور الفردية علشان تفتكروا و تبتسموا… و لما تبقوا بعد الأربعين متندموش علي أي قرار فات… أما أنا بعد الأربعين بحب أروح عند أمي و أطلع كيس الصور القديم من الدولاب و أتفرج علينا كلنا و العيلة و الضحكة و البسمة اللي كانت في عيد ميلاد أبويا لما كانت كل العيلة كاملة… الحقوا اعملو البوم العيلة و بلاش الفردية علشان تلاقوا حاجة تتفرجوا عليها و تبتسموا و تتضحكوا و تتعلموا منها…..و افتكروا كل يوم تقولوا لحبايبكم ” إحنا عيلة واحدة قوية بلمتنا و حبنا و مودتنا” و زي ما أمي بتدعي لنا دايما “ربنا يخليكم لبعض و يحنن قلوبكم علي بعض….”
و أنتم احلي عيلة

مقالات ذات صلة

‫2 تعليقات

  1. شركة المثالية للتنظيف

    شركة المثالية توفر علي ربة المنزل عناء التنظيف، والمواظبة علية بإستمرار، خصوصا وأن ربة المنزل الآن يكون عليها مهام كثيرة شاقة ولا يكون لديها مساحة من الوقت للقيام بمهام التنظيف، وليس فقط التنظيف هي من مهام الشركة بل أن الشركة أيضاً تُقدم مجموعة مُختلفة من الخدمات الأخرى التي تخدم راحة عُملائها، بالإضافة إلي تقديم مُستوي عالي من الكفاءة في تنفيذ الخدمة.
    خدمات شركة المثالية:
    ولأن شركة المثالية تقوم علي راحة عُملائها في تقوم بتوفر مجموعة مُختلفة من الخدمات مثل:
    • تنظيف الستائر.
    • تنظيف المفروشات.
    • تنظيف السجاد والموكيت.
    • تنظيف الكنب.
    • تنظيف المجالس.
    • مُكافحة الحشرات.
    • رش مُبيدات.
    • تسليك مجاري.
    حيثُ أن لدينا مجموعة من أكفأ العمُال والأيدي العاملة، بالإضافة إلي اننا يوجد ليدنا أحدث أنواع الأجهزة والماكينات التي تُساعدنا في عملنا، بالإضافة إلي أن المساحيق المُستخدمة في عمليات التنظيف نقوم بإستيرادها من الخارج، وهي مُصرحة من وزارة الصحة ولا ضرر عليها.
    كما أن شركة المثالية تستقبل تليفونات عُملائها علي المدار اليوم لإستقبال طباتهم وإستفسارتهم بإستمرار.
    عزيزي العميل نُحاول أن نوفر لك جميع ما تحتاج إلية، علاوة علي ان أسعارنا لا تقبل المُنافسة.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock