2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/04/2018

بشاميل بدون مقادير اقتصادى





كتبت / رضوى محمد 
مهتمه باقتصاد المنزل


كلنا عارفين قد ايه صحتنا غالية علينا...
وكلنا بنحاول على قد مانقدر نحافظ عليها...
وبنقرأ كتير في الموضوع ده...
وعلشان كده ...هنقدملكم معلومات ووصفات قيمة جداااا...بتجمع مابين الذ الوصفات ..وافضلها صحيا ...

مكرونة بالباشاميل بطريقة جميلة وسريعة وبتنفع لو انت مش مجهزة شوربة او مش عندك مرقة...هنعملها بالمية اللي اتسلقت فيها المكرونة...

الخطوات ...
1_تسلقي كيس المكروتة عادي 
2_اما تستوي المكرونة صفيها من ميتها اللي اتسلقت فيها وهي عبارة عن مية وشوية زيت (يا اما زيت زتون او عباد او ذرة ) كله حلو وشوية ملح
3_المية ده احتفظي بيها لاننا هنعمل بيها الباشاميل ...الباشاميل بتاعنا عادي جدا نفس طريقتنا شوية زيت صغيرين تضيفي عليهم شوية دقيق مش كتير علشان مية المكرونة طبيعي فيها نشا فهتدينا القوام المطلوب للباشاميل
4_خلاص قلبنا الدقيق في شوية الزيت لغاية ما بق متجانس نبدأ نضيف مية السليق شوية شوية مع التقليب المستمر والنار هادية جدا علشان الباشاميل مايتحرقش ولا يكلكع 
5_نحط شوية ملح وفلفل وكمون ولو عندنا ملح اللمون بالفلفل او سماء ياريت وشوية جوزة الطيب بيدي طعم ونكهة هايلة
6_نضيف نص كمية مية السليق ونبدأ نضيف اللبن وياريت يكون خالي الدسم ونستمر في اضافة الببن لغاية مانحس ان القوام بق تمام وهو ده اللي عاوزينه وفيه ناس بتفضل الباشاميل خفيف وفيه ناس بتفضله تقيل شوية وانتو ومزاجكم
7_ونكون مجهزين لحمة مفرومة معصجة ببصل وتوم وبهارات زي ما انتم حابين وفيه ناس بتحب تضيف عصير طماطم عليها وناس لا وده طبعا متوقف على ذوق كل حد في الاكل او مممن تستعيضوا عنها بخصار سوتيه زي البسلة والجزر او قطع من الفراخ اللي مشوحنها في بصلاية وتوم وبهارات على حسب الذوق.
بنقلب المكرونة مع الاضافة اللي احنا حبينها من اللي قلناه قبل كده في صانية بيريكس او تيفال وطبعا بنضيف عليهم شوية باشاميل من اللي حضرناه ونبقي شوية علشان الوش
8_قبل مانحط الوش الاخير من الباشاميل علشان نغطي بيه وش المكرونة نحط بضاية ونقلب كويس قوي وبسرعة علشان الباشاميل بيكون سخن والبيضة ماتستويش مننا 
9_خلاص كده تمام غطينا المكرونة نحطها في الفرن وبتاخد سوى من نص ساعة لساعة الا ربع على حسب درجة حرارة الفرن...واما تطلع طبعا مانقطعهاش على طول نسبها تبرد شوية علشان اما نيجي نطلع منها ماتتهريش.
وبألف هنا وشفا...
رئيسه قسم صحتك بالدنيا / نهى على
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين