2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/17/2018

مش هقدر أكمل




مش هقدر أكمل


 بقلم مروة فتحى


أسفة مش هقدر اكمل
...

صدقنى مفيش أصعب من أنى اقولها وعنيك فى عنيا...
مش هقدر امثل دور الضحية فى علاقة وهمية...

مش هقدر انسي احلامى واعيش طول العمر خايفة...

الطريق اللى كله اشواك خلص خلاص...

كفاية علينا احزان وخوف وحرمان...

تعالى بينا نقطع كل الصفحات ونمسح الماضى اللى كان...

نبص لبكرة ونستنى فجر جديد يغير حياتنا...

فجر يمكن مفهوش اسمى واسمك سوا...

بس فى نور يداوى جروحنا ويمحى اوجاعنا...

متبصليش باستغراب وتسالنى 

هتقدرى تكملى من بعدى؟

هقدرى تعيشى لوحدك من غير قلبي؟

ايوة هقدر زى ما انت قدرت تجرح قلبي

زى مقدرت تعيش معايا ودمعى بيجرى

زى مقدرت تتحمل كسرت نفسي

زى مقدرت تخونى وتخدعنى وتوجعنى

أنا قررت مكملش علشان اللى باقى منى ومنك...

علشان افضل اعزك واحترمك...

اما الحب فانت من زمان خنقته...

ضيعتنى منك وضيعته...

انا همشى ومفيش جوايا ذرة ندم...

ومهما كلمتنى ونادتنى وقولتلى ...

هيفضل ردى 
اسفة مش هقدر اكمل...
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين