2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/02/2018

"المهندسة صانعة الإكسسوار..سالي أحمد زكي" دراستى جعلتني افضل فى إستخدام الأدوات والعدد وزوجى يشجعني ويدعمني


حوار غادة محسن إبراهيم
أنا خريجه هندسه قسم ميكانيكا ولم اعمل كمهندسه
دراستى جعلتنى افضل فى استخدام الادوات والعدد المختلفه
للاسف لا تتواجد الخامات الجيده بوفره فى الاسواق المصريه
امى الله يرحمها هى قدوتى فكانت فنانه و مصممه ازياء...
صدرت شغلى لايطاليا وامريكا وقطر والامارات..
لو عاد بيا الزمن حختار انى اشتغل فى عالم الاكسسوار تانى..
نفسى براند شغلى يبقى براند عالمى ويبقى عندى اتيله كبير فى مصر..


حب ما تعمل لكى تعمل ما تحب مقوله قالها اجدادنا ،ودائما ما كنت افكر فى معناها وانا صغيره حتى كبرت ووجدتها حقيقه وليست مقوله، فعندما نحب ما نعمل تصبح النتيجه مزهله لاننا نشبع هذا الحب ونصبح راضين عن عملنا وعن انفسنا، وهذا ما تقوم به فنانتنا فهى المهندسه سالى احمد ،المحبه للعمل اليدوى فكل قطعه تقوم بتصنيعها هى قطعه فنيه تثبت لنا حبها لعملها وتثبت ان الصناعه المصريه يمكن ان تنافس وبقوه المستورد....

حدثينا عنك وعن نشأتك ؟
انا المهندسه سالي احمد زكي 
مواليد القاهره درست فتره من عمري في ليبيا ودخلت الجامعه في مصر، و خريجة كليه الهندسه قسم ميكانيكا انتاج، ولم اعمل كمهندسه..

متى بدأتي عملك الفني ؟
بدأت عمل الفني من حوالي ٤ سنين...

وهل لدرساتك علاقه بعملك الأن ؟
دراستي طبعا ملهاش علاقه بشغلي بس بحكم اني مهندسه ميكانيه ده جعل ايدى واخده على مسك العدد المختلفه واستحمال المجهود العضلي بس اثقلت موهبتي بكورسات كورس الحلي المعدني واتعلمت فيه ازاي ااقطع النحاس او الفضه وطريقه اللحام وتشكيل اسلاك النحاس والفضه والحفر بالاحماض وغيره وكورس تصميم المجوهرات وكورس الجلود..

عرفينا على انواع الفنون التي تقومى بتنفيذها ؟
انا مصممه اكسسوارات وجلود..

مما تستوحى تصميماتك الفنية ؟
مفيش حاجه معينه ..الفكره بتيجي في دماغي اخيانا وانا نايمه او وانا بشتغل وبفضل ورا الشغل لغايه لما اوصل للشكل اللي يرحيني نفسيا حتى لو عدت الشغل كذا مره معنديش مشكله..

من قدوتك على المستويين الشخصى والفني ؟
قدوتي هي ماما الله يرحمها كانت فنانه ومصصمه ازياء وكانت بتهتم بالفينش النهائي جدا وانا طالعالها..

حدثينا عن حياتك الخاصه ؟
عندي ولدين احمد في ثالثه جامعه وسيف في ثانيه اعدادي تزوجت وانجبت ابني الاول وانا طالبه في الكليه..

ما هى المشاكل التي واجهتك فى عملك الفنى ؟
المشاكل اللي دايما بتقابلني الخامات ...للاسف السوق المصري مش موجود فيه كل الخامات الكويسه ومعظم المستوردين بيستوردوا الخامات الرديئه وده معطلني لاني بحب اشتغل بمنتجات عاليه الجوده..

من يقوم بتشجيعك ودفعك للأمام ؟
زوجى يقوم بتشجيعى ومساندتى على طول ...

لو عاد بيكى الزمن هل كنتي ستسلكي نفس طريقك ام كنتي ستختارى طريق آخر ؟
لو عاد بيا الزمن كنت اختارت نفس شغلي كمصصمه اكسسوارات وجلود بس كنت اتمنى انى ابدأ من زمان اكثر وفي نفس الوقت مش ندمانه اني دخلت هندسه لانها فادتني كتير وخلت مخي اكثر استيعابا لحاجات كثير..

هل تمنيتى تصدير أعمالك للخارج ؟
انا بالفعل شغلي وصل ايطاليا وامريكا وقطر والامارات ...بس ده كان اجتهادات شخصيه مني ...نفسي يتصدر بشكل كبير..

ما الفن الاقرب لقلبك وتجدى متعه بممارسته الاكسسوار ام الجلود ؟
انا بحب شغل الاكسسوارات جدا بس شغل الحلد على الرغم من انه متعب جدا بس له متعه خاصه..

ما هى احلامك المستقبلية ؟
نفسي براند ( سالي زكي ) يبقى براند عالمي ويبقى عندي جاليري كبير في مصر ويبقى ليه فروع في دول تانيه..

التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين