2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/09/2018

شكرا أمي


شكرا أمي

 كتبت : داليا طه

 لكل واحد فينا حته من مامته ، ده احنا كلنا من مامتنا، ملامحنا جلدنا شعرنا نفسنا، كلنا أمى مين قال أن الام إحتفالها يوم واحد ، ده وجود نفس أمى في حياتي هو في حد ذاته فرحه وإحتفال بهجه وحضن ودفا ، كلمه شكر يهديها كل إبن وابنه لأمه 

كلمةمروان أحمد/ ومازن أحمد للكاتبه الصحفيه مها نور .


شكرا أمي



(ماما شكراً ليكي بجد مش عارف من غيرك كنت هعمل ايه إنتي اللى ربيتينى و اللى كبرتيني أنا و مازن و فهمتيني إيه الغلط و إيه الصح و إنتي اللى بتحسى بيا وأول ما اتعب بتسهرى الليالى علشانى وبيبقى كل همك إنى إخف وأبقى كويس وبس و بتخففى عنى همى و بتسعدينى وعمرك مارفضتى حاجة هتسعدني...انتى اللى علمتينى التفاؤل والأمل وانى أسعى ورا حلمى حتى لو وقعت وانا بحققه بتدينى طاقة إنى أكمل و بتساعدينى فى دراستى وحياتى الاجتماعية وأهدافى المستقبلية و علمتينى ازاى استفيد من عمرى ومستهترش بية و أركز فاللى أنا عايزو..
.شكرآ بجد شكرآ شكراً يا أغلى وأطيب وأحن وأحلى أم فالدنيا كلها..
كل سنة وانتى
 طيبة يا أمى

إمضاء : مروان أحمد



شكرا أمي

 

أمي ..يا أحسن و أجمل أم في الدنيا وفي عنيا ,أنا فخور بيكي جداً وفخور بكل الحاجات الحلوة الي إنتي بتعمليها علشانا وعلشان نبقا مبسوطين .
 فخورين إنك أمنا و هفضل طول عمري بحمد ربنا وأشكرو علي أنه رزقني بأم جميلة زيك ولو فضلت أدور علي حد أحسن منك في الدنيا دي كلها مكنتش هلاقي أحسن ولا أحن منك ابداً ..ربنا يخليكي لينا وميحرمناش منك ابداً وتفضلي مليا علينا حياتنا وسبب فرحتنا وسعادتنا و أهم حاجة في حياتنا

إمضاء مازن أحمد

رئيس قسم انت الحياه : داليا طه

شكرا أمي

التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين