2054208194886930964305459023536687124329124620425345324432245227212526005525430010231005910972575227800005423858567245242500231905922702611555

3/04/2018

عجلة اختيارات الغضب








شيرين محمد مدربة تربية ايجابية معتمده من مؤسسة التربية الايجابية الامريكية

اتكلمنا في المقال السابق عن ركن الهدوء و ازاي انه بيساعد الطفل علي ادارة غضبة و كده احنا بنعلم الطفل مهارة اداره الغضب .... هنتكلم في المقال ده عن اداه ثانية مهمة جدا من ادوات التربية الايجابية بتساعد الطفل علي ادارة غضبة و بتعلمه مهارة ادارة الغضب و بتساعدنا احنا كمان علي ادارة غضبنا لو طبقناها علي نفسنا الاداه دي Angry wheel of choices عجلة اختيارات الغضب ... كلنا وقت الغضب بنتصرف تصرفات غريبة و ممكن نأذي اللي قصادنا بكلامنا او افعالنا وبعد لما نهدي نقول احنا عملنا كده ازاي و السبب الحقيقي ورا تصرفاتنا دي ان احنا مش متقبلين مشاعرنا السلبية و مش قادرين نديرها بطريقه سليمة وبنطلع المشاعر دي في ايذاء اللي حوالينا وبعدين نرجع نندم علي تصرفاتنا بعد لما نهدأ ...الصح ان احنا نتقبل مشاعرنا السلبيه و احساسنا بالغضب وادرب نفسي علي ادارة غضبي.. وده اللي لازم نعلمة لاولادنا انهم يتقبلون انفسهم وقت الغضب واعلمه ازاي يدير مشاعر غضبه بصوره سليمه متأذيش نفسه ولا اللي حواليه و بدل لما اقوله متعيطش .. متحزنش .. متزعلش واكبت مشاعره ... انا اعلمه اداه و اديله حلول للتعبير عن المشاعر السلبيه اللي بيحس بيها وقت الغضب وده اللي هنتعلمه من عجلة اختيارات الغضب طيب ننفذ العجلة دي ازاي ... اختار وقت يكون الطفل هادئ فيه اقعد معاه وافهمه ان شعوره بالغضب ده شعور طبيعي وان دي مشاعر طبيعية كلنا بنحس بيها لكن تصرفاتنا احنا وقت الغضب مش كلها بتبقي صحيحه .... بعد كده ارسمي دائره كبيره و قسميها ( شكل العجلة) واكتبي في كل جزء حل للتعبير عن مشاعره وقت الغضب زي مثلا .... اكتب اللي مضايقني .... انفس عن غضبي واضرب في مخده .... اقعد شويه لوحدي لغايه لما اهدي ... ارسم اللي مضايقني.... اخد نفس عميق واخرجه براحه .... استخدم l message رسالة انا وبستخدمها للتعبير عن مشاعري انا حاسه ( اسم الشعور) علشان ( الموقف) و اتمني ( الحل) و الاطفال لما يلاقونا بنستخدمها للتعبير عن مشاعرنا هو بعد كده هيستخدمها للتعبير عن مشاعره 
كل الامثله اللي ذكرتها هتساعد الطفل انه يخرج مشاعره السلبيه اللي حاسس بيها وينفس عن غضبه وطبعا اللي ذكرته كلها امثله لكن الاختيارات في عجله الغضب لازم تكون من افكار الطفل حتي ولو في الاول قال فكرتين بس نطبقهم وبعدين لو جاءت له فكره تانيه اضفيها ولو انتي عندك فكره ممكن تقترحي عليه ولو قبلها ضيفيها مع باقي الافكار اللي هو قالها يعني نعمل عصف ذهني للطفل ونسيبه هو يوجد افكارا وحلولا مش احنا نقوله ... وعشان فكره عجله اختيارات الغضب توصل للطفل ويبدأ يتدرب عليها لازم اطبقها علي نفسي ولازم يكون ليا عجله غضب خاصه بيا و يشوفني انا كمان وقت الغضب بختار من عجله الغضب بتاعتي مينفعش اطلبهم يعملو حاجه انا اصلا مش بعملها ... وطبعا دي مهارة وبتاخد وقت لغايه لما الطفل يتدرب عليها ويتقنها يعني نصبر عليه ووقت الغضب اللي جاي بعد لما اعرف مشاعره validate feeling اقوله ايه ممكن يساعدك عشان تهدي تحب تروح ركن الهدوء ولا تختار من عجلة الغضب 
دمتم ايجابين
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين