شعر وحكاياتعام

صاحب عمري

صاحب عمري


صائغ القوافي الشاعر 
فهد بن عبدالله الصويغ 




من غير مايعرف !!! 
ومن غير ما أقول !!!
قالي بيحبها .. حب بجنون
حكالي حبه .. وشوقه لها
وإزاي حبه .. لها يكون 
حكالي ودمع عينيه .. على خده
من الشوق .. وطول السهر
خايف يقولها .. عن بحبه 
لا ينصدم .. ويموت من القهر
حكالي إزاي ليلاتي سهران
بيفكر فيها ومابينمشي 
وإزاي بقى .. تاعبه الزمان
وإزاي الدنيا من غيرها ماتنفعشي
بقى يحكي .. عن غرامه
وبقيت محتار .. أقوله ايه
ماقدرتش أقول .. من كلامه
طب بس .. حقوله ايه
أقوله إنها دنيتي
وإنها فرحانها .. بحبي لها
ولا أقوله .. إنها جنتي
وإن عمري .. كله ملكها
بقيت سرحان .. بفكر محتار 
ولا عارف أرد عليه
قلبي بيتقطع .. من النار
وبسأل نفسي .. ليه هو بس ليه
شاف دموع عينيا
وقالي ايه بس جرالك
شاف الهم اللي بيا 
قالي ماتقول بس مالك
زعلان ياصاحبي .. عشان زعلان 
ولا عشان الحب تاعبني 
تعرف .. اعرف الحب مالوش أمان
واعرف انه ناوي يتعبني 
بصيت له .. وقلت ما أعرفش 
مالقيتش عندي .. أبدآ جواب
قالي ياصاحبي .. ماتخفش 
وعارف .. أن الحب عذاب
كسر قلبي .. بحبه وغرامه
ياريت ماكنتش أعرفه 
مش قادر أطفي ألامه 
ولا قادر أقوله .. لا أخسره 
صديق عمري .. وحياتي كلها
خلانا القدر بالحب مشاركين
مش عارف إزاي .. أقوله أو أقولها 
بتحبي مين .. ولا مين
في لحظة تفكير .. قال :
حكلمها قدامك وأقولها 
إني بحبها .. ومقدرش أنساها
سكت ووافقت .. أصله حلها
وصبرت روحي .. على أساها 
كلمها كلمتين .. قالت له أسفه
بحب غيرك وبعشقه
قالتها بسرعه مش خايفه
نزل كلامها نار بتحرقه 
حكتله  عني .. وعن حبها
وإنها .. بتدوب فيا
قفلت السكه .. قلت أه بحبها !!!
وداه .. اللي بكى عنيا 
قالي ياصاحبي إنت أنا 
وعمر الزمن .. مايفرقنا 
مبروك عليك .. حبي أنا
وبرضه الحب حيجمعنا
خدني بالأحضان .. والدموع بعينيه
قالي بكره الزمان .. راح يحن عليه 
إتهنى وعيش ياصاحبي 
وإنسى كل كلامي
بكره الزمان .. راح يعدي
وماحيفضلش .. غير أسامي 


مدير قسم الأدب و الشعر
علا السنجري

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock