2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/20/2018

عموفؤاد



عموفؤاد




فضفضه ... مع/ حاتم رأفت 

فاكرين زمان واحنا اطفال دخلة رمضان كانت بالنسبه لينا ازاي ؟
فاكرين فوازير رمضان . كنا بنستناها . رمضان بالنسبه لينا ماكنش مسلسلات . كان فوازير فطوطه وعمو فؤاد . وزعلنا لما بطلو يجيبو فطوطه وجابولنا فوازير شريهان . بس بعد كده حبناها . بس كانت علامة رمضان المميزه هي فوازير عمو فؤاد .
كنا بنتعلم منها حاجات كتير اوي . كنا بنتعلم قيم ومبادئ . كنا بنتثقف واحنا لسه عيال . كان زهننا بيتفتح بجد . كنا بندور في اطلس وفي الكتب علشان نحل الفوازير . 
فين الكلام ده ؟!! ليه حرمتو اطفالنا من المتعه والفايده ؟! 
الفنان القدير فؤاد المهندس رحمه الله مازال محفور بوجداننا حتى الآن . مش بأفلامه ولا مسرحياته بس .
 بس أساس حبنا ليه لحد اللحظه دي كانت فوازير عمو فؤاد . انا مديون للراجل ده بحاجات كتير اوي اتعلمتها منه . مش انا وبس . انا ومعظم جيلي . 
عارفين . انا نفسي ابعت نداء للفنان محمد صبحي . ماتسبش ولادنا يا أستاذ محمد . ساهم من خلال الاعلام في تربية اولادنا وتعليمهم القيم والمبادئ والأخلاق . زي ماعملت يوميات ونيس . اعملهم فوازير دمها خفيف زي عمو فؤاد . يحبوها ويستنوها بفرحه . فوازير توعيهم وتثقفهم . تعلمهم وتفتح مداركهم . بعيدا عن مواقع التواصل الاجتماعي وما تحمله من زيف وكذب وخداع .
نفسي نرجع ابله فضيله وماما نجوي وبقلظ . 
نفسي نرجع ايام راحت ونرجع ناس ماتت .
ياريت كلامي يوصل للأستاذ محمد صبحي .
باحلم بفوازير #علمنا_يا_جدو_صبحي
للفنان #محمد_صبحي


واهي مجرد امنيات وفضفضه.
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين