2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/17/2018

فضفضه ... مع/ حاتم رأفت


فضفضه ... مع/ حاتم رأفت



رمضان جانا .

كل سنه والجميع بالف خير و رمضان كريم .
رمضان جانا وفرحنا به هل هلاله . اهلا رمضان . شهر كريم . اوله رحمه واوسطه مغفره وآخره عتڤ من النار . شهر تقام فيه شعائر الاسلام من صوم وصلاة وذكاه . 
تقريبا ده مفهومنا عن شهر ىمضان . وطبعا كلها حقائق لا تشكيك فيها . 

طب ايه رأيكم لو نخليه كمان شهر الرجوع للنفس ؟ بمعنى .

كل واحد يقعد مع نفسه ويصارح نفسه باخطائه . صدقوني هنتفاجئ بنفسنا . ممكن نلاقي أخطاء كتير بنعملها في حياتنا اليوميه واحنا شايفين انها عاديه وطبيعيه . ونقول لنفسنا وايه يعني ما كل الناس بتعمل كده . حجات شايفنها صغيره بس بتأذي ناس . من اول مابننزل من بيتنا لحد يومنا مابيخلص بنكرر اخطاء كتير . 

ممكن اركب عربيتي وامشي في عكس اتجاه الطريق .
 ممكن باروح الشغل مواصلات وباعدي الطريق من مكان غير المخصص لعبور المشاه . ممكن وانا سايق عربيتي ماشي بسرعه غير مناسبه للحاره اللي ماشي فيها . 

او باتكلم في الموبايل وانا سايق . كل ده بيأذي الغير بشكل كبير . بيسبب الاختناقات المروريه وبيسبب حوادث . لما باروح الشغل بعقد للناس مصالحها بحجة الروتين والقانون . باستحل الرشاوي المقنعه . 
باكذب في مواقف كتير . 
حاجات كتير بنعملها غلط .
تعالو في الشهر الفضيل ده نحاول نصلح من نفسنا . لو كل واحد امتنع عن عمل جزء من اخطاءه اليوميه اكيد هنكون احسن وافضل .
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين