2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/02/2018

فضفضه ... مع حاتم رأفت .



فضفضه ... مع حاتم رأفت


امبارح اتكلمنا ازاي تبقى راجل . مش في نظر نفسك بس . في نظر مراتك واولادك وكل اللي حوليك . 

انهارده هنتكلم عن بونبوناية المجتمع .

ست الكل . الام والاخت والحبيبه . الدلع والحنيه كلها . مش كلام . دي حقيقه ولازم انتى تؤمني بالحقيقه دي . طب فكري فيها كده هتلاقي ان ضحكتك لما بترن في البيت بتسعد كل اللي فيه . لانك انتي محور البيت . ماما . بتتقالك في اليوم مليون مره من كل اللي في البيت .
 يبقى طبيعي لما ماما بتضحك الكل بيضحك ... انتي الصدر الحنين للكل . الولاد راجعين من مدارسهم بيفضفضولك وبيحكولك عن يومهم مشي ازاي .

 جوزك بيدخل البيت بعد تعب الشغل بيشوف ابتسمتك وانتي بترحبي بيه وبتستقبليه . بينسي كل حاجه ويفضل فاكر استقبالك وابتسامتك .


 بس خلي بالك . جوزك لما يكون مخنوق ويقعد جنبك ويشتكي او يفضفض معاكي . مش مستني منك حلول . هو مستنيكي تبتسمي وتصبريه بكلمتين حلوم عدا معلش . طبعا الكلام مش عاجب حد وهتقولولي ياسلااام واحنا فين . اقولك انتو على الراس وفي القلب . لو الراجل عمل بكلامي مش هتسألي ولا تفكري اصلا في "انا فين " دي ، 
لما تلاقي جوزك مقدرك . بيفرح لنجاحك . بيشاركك احلامك . انتي نفسك هتكوني فرحانه وسعيده . 

موضوع ذات صلة 

عارفين احنا مشكلتنا ف ايه ؟؟

اننا مش قادرين نصدق ان الدنيا دي مجرد مسرحيه . كل واحد عايش فيها له دور ولا يلعبه ولو حاولنا نبدل الادوار هتبوظ مننا . هتكون مسرحيه حزينه . 
لو عرفنا دورنا ولعبناه صح . الكل هيشعر بالرضا والسعاده . الاب والام . الاخ والاخت . الخال والعم . كل واحد لازم يحفظ دوره كويس . ويؤديه كويس . 
واهي مجرد فضفضه

إقرأ المزيد


التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين