أدم وحواءعاممقالات

قلب حبيبة



قلب حبيبة

مقالات وحكايات ماما زوزو

بقلم دكتورة زينب زكى
تعالو أحكيلكم حكاية قلب حبيبة .. من القلب قريبة .. وعن العين كانت بعيدة .. لكن كفاية إنها أجمل قلب .. مش كفاية عليه كلمة حب تتقال لأى حد زى كل البنى آدمين .. يا ترى ماما زوزو بتتكلم عن مين ؟؟ تعالو نشوف ..
كان يا ما كان يا سعد يا إكرام .. ما يحلى الكلام إلا بذكر النبى عليه الصلاة والسلام .. كان فيه بنوتة جميلة من عيلة كبيرة .. قلبها بالخير والحب والحنان مليان .. وإسمها حنان .. …
فى يوم من الأيام حنان كانت ماشية فى الوديان تايهة بتدور على صديقتها الجميلة .. وفى وسط الزحام قابلت سميرة بعيونها الدافية وضحكتها الصافية .. قالتلها انتى هنا يا سميرة انا بقالى يومين فى حيرة وبدور على صديقتى الجميلة
سألتها بتدورى على مين يا حنان ؟؟؟!!!
قالتلها من فترة قابلت بنوتة جميلة إسمها زوزو .. حبيتها من كلامها وحكاياتها .. وفجاة عنى غابت .. ومش عارفة ألاقيها .. نزلت أدور عليها .. وبقالى على الحال دا فترة .. وكل يوم أقول يمكن الاقيها بكرة .. وفعلا تعبت من كتر ما عليها بدور .. وقلبى عليها مشغول ومتحير ..
لكن سميرة قالتلها انتى جميلة قوى يا حنان .. واسم على مسمى .. وقلبك مليان حب وحنان .. سألتى عليها عند الجزيرة الخضرا ؟؟؟!!!
أكيد الخضرة والميا .. هما سر حكاياتها الجميلة .. وأكيد هتكون هناك وسط الخضرة والميا .. تحكيلهم حكاياتها .. وتكتب مقالاتها
وبسرعة راحت حنان عند الجزيرة .. لقيتها قاعدة تحكى حكايات وروايات للميا .. قالتلها انتى فين يا ماما زوزو ؟؟؟!!! بدور عليكى بقالى يومين .. وحشتينى ووحشنى كلامك وحكاياتك
وفجأة قامت ماما زوزو والسعادة مالية عنيها .. وأخدت حنان بين ايديها .. وقالتلها إنتى كمان وحشتينى .. ورغم انى عرفتك من فترة قريبة .. إلا إنك أصبحتى بالنسبة لى وبالنسبة للدنيا كلها .. قلب حبيبة .. قلب ما يعرفش غير الحب بمعناه الحقيقى ..
ورجعوا الصديقتين لبعضهم والضحكة والفرحة مالية قلبهم .. مالية قلوب عمرها ما كانت عن الحب بعيدة
وتوتة توتة خلصت الحدوتة

إقرأ أيضا 

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock