شعر وحكاياتعام

خلوا بالكم


ذراعي خط أحمر
قصيدة ( خلوا بالكم )

بقلم/ ( شرين سعد أحمد)
شاعرة جنوب الوادي
*************
خلوا بالكم يا جماعة
ده دراعي خط احمر 
كل لحظة كل ساعة
لو نسيتوا الله لا قدر
أو غفلتوا عني مرة
او سهيتوا يبقي أخطر
،،،،،،،،،،،،،،،،،،،،
حالتي حالة مش عادية
لازم أظهر وسط مية
لو دراعي اتشك شكة
ممكن ابقى قوام ضحية
،،،،،،،،،،،،،،،،،،،،،
قلت إيه الحل لازم
قلبي قام بالنية عازم
أنه يعلن بالمبادرة
لو تأخر يبقي نادم
،،،،،،،،،،،،،،،،،،،،،،،،
مش علامة دي يمامة
فوق دراعي جات وحطت
هي هتقوم القيامة 
ولا هتقوم القيامة
يوم ما احمي نفسي عادي
واحمي غيري بابتسامة
،،،،،،،،،،،،،،،،،،،،،،،،
أبتسم أول ما أشوفها
والأمل لون حروفها
حفر ظاهر جوه قلبي
مهما تتغير ظروفها
،،،،،،،،،،،،،،،،،،،، 
مرة أشوفها في أيدي زينة
زي وردة في جنينة
مرة أشوفها دم يجري
وف عروقنا عايشة فينا
،،،،،،،،،،،،،،،،،،،،
مرة أشوفها صوت ولادي
أما يرفضوا يوم بعادي
محتاجين يامه دعاكي
صوت حنين همس هادي
،،،،،،،،،،،،،،،
مرة أشوفها الصبر ساكن
جوه قلبي والأماكن
مين يقول إني هسلّم
بالعزيمة هقوم ولكن
،،،،،،،،،،،،،،،،،،،،،،
كل واحدة منكوا تفرح
وفي حياتها تقوم وتنجح
كسري لليأس بابه
أصل يأسه ده بيجرح
،،،،،،،،،،،،،،،،،،،،،،
حبة حبة اديني صامدة
شادة عودي كمان وساندة
مافي شيء هيهز قلبي
للمرض أصلي معاندة
،،،،،،،،،،،،،،،،
وف دراعي لابسة درعي
زي شمس ف وسط زرعي
روحي نبتت من جديد
حتى جذري مد فرعي
إقرأ أيضا 
إهداء إلى صاحبة مبادرة

دراعي خط احمر 

دكتورة -/( مها نور )

27/5/2018
ذراعي خط أحمر


مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock