2054208194886930964305459023536687124329124620425345324432245227212526005525430010231005910972575227800005423858567245242500231905922702611555

6/07/2018

ملف مميز لمخبوزات عيد الفطر المبارك




ملف مميز لمخبوزات عيد الفطر المبارك


أيام قلائل و نودع شهر رمضان الكريم بنفحاته و لحظاته العطرة و نستقبل عي الفطر المبارك ببهجته و عاداته و ذكرياته و من اهم عاداتنا هي مخبوزات العيد التي نتسابق في اعدادها و الابداع في تقديمها و اخرجها باجمل شكل و هيئة تعبيرا منا عن بهجتنا و سعادتنا بهذا العيد المبارك
 و اليوم نحن اسرة مطبخ نقدم لك ملفا بمخبوزات عيد الفطر المبارك اعدته لك نخبة من افضل الشيفات و ربات البيوت بأدق  التفاصيل و افضل المقادير و اكثرها دقة بعد عدة تجارب و خبرات .

الكعك المصري على الساخن

مقدمة من / هبة زعلوك

ملف مميز لمخبوزات عيد الفطر المبارك


يعود الكحك إلى الدولة الطولونية، فكانت تصنع في قوالب منقوشة عليها عبارة «كل واشكر». وكان الوزير «أبو بمر المادرالي» مهتماً بصناعة الكعك في العيد, فكان يحشوه بالذهب. وفي العصر الفاطمي، كان الخليفة الفاطمي يخصص 20 ألف دينار لصناعة كعك العيد، فكانت بداية صناعته في شهر رجب إلى العيد.


المقادير :

كيلو دقيق منخول 
550 جرام سمن بقرى 

 1 ملعقة كبيرة رائحة كعك

1 ملعقة صغيرة خميرة فورية

 1 ملعقة صغيرة سكر 

 كوب الا ربع ماء دافئ 

 كوب سمسم ابيض محمص قليلا.


الطريقة :


- نضع الدقيق فى طبق واسع و نعمل حفرة فى الوسط

- نضع فيها السمسم و رائحة الكعك.

- نقدح السمن جيدا (نعرف ذلك بأن نضع ذرة دقيق فى السمن
عندما يفور الدقيق يكون السمن قد قدح)

- نضع ثلاثة ارباع مقدار السمن فى حفرة الدقيق.

- نقلب بالمقصوصة مع الاحتراس الشديد حتى لا تحترق ايدينا.

- سيكون الخليط مثل الفتات و عندما يبرد قليلا نبدأ نبس الكعك و هى مرحلة هامة جداااا و ذلك بأن نأخذ جزء من العجين و نبططه بين يدينا مع بسطه بين راحتى اليد

- تأخذ هذه المرحلة حوالى نصف ساعة.(كلما طال الوقت كان الكعك انعم.

- نضع الخميرة مع السكر و ملعقة ماء دافئ و نتركها تخمر

- نضيفها الى العجين مع مقدار الماء الدافئ و نقلب ثم نضيف باقى السمن و نلم العجين.
ستتكون عجينة ناعمة طرية.

- نشكل وحدات الكعك و ننقشه و نرصه فى صاج غير مدهون

- يخبز فى فرن متوسط حوالى 15 الى 20 دقيقة حتى يشقر

- يرش سكر بودرة عند التقديم..

الكعك المصري على البارد

مقدمة من إيمان عادل

ملف مميز لمخبوزات عيد الفطر المبارك


المقادير:

كيلو دقيق متعدد الاغراض (٦ مجات و ثلثين مج)

٢ مج الا معلقه ممسوحه سمن مفرز 

ثلث مج سكر بودره

مج لبن

معلقه ونص صغيره خميره فوريه

تلات اربع معلقه صغيره بكنج باودر

الطريقة :

- نحط السمنه في للفريزر ونقطعها ونضربها مع السكر البودره حتي تهيش ولونها يبيض.

- نحط الدقيق ونضرب حتي تتجانس وتبقي ناعمه.

- ندوب الخميره في اللبن او المايه ونضيفها للدقيق يادوب يلم لفتين ونوقف عجن.

- ناخد العجينه ونعملها رول حتي يسهل تشكيلها وتبقي بنفس الحجم.

- ممكن نحشيها عجوه او ملبن او عجميه ونكورها ونخبطها بالخباطه تاخد شكل مزركش او نشكلها بالمنقاش زي منحب.

- يدخل الفرن علي طول من غير ماتريح علي درجه حراره ١٥٠:١٦٠ درجه وبتاخد حوالي تلت ساعه في الفرن ..

- ونسبها تبرد خالص ونحطها في علبه محكمه ونرش السكر عند التقديم.

حشوات الكحك :

الملبن :

نعجنه بشويه سمنه بلدي ورشه ريحه كحك وممكن نضيف سمسم او مكسرات حسب الرغبه.

التمر :

نفس طريقه الملبن نعجنه بسمن بلدي معلقتين تقريبا لما ينعم وممكن اضيف سمسم او حبه البركه وممكن من غير حسب الرغبه.

العجمية :

المقادير :

75 جم دقيق 

50 جم سمنه 

نص كيلو عسل نحل 

شويه سمسم حسب الرغبه

الطريقة :

- نحط السمنه على نار هاديه ونحط عليها الدقيق ونقلب 
حتى يتحمص الدقيق وتبقى ريحته جميله 

- نحط العسل شويه شويه مع التقليب ونقلب حتى تتماسك وتبقى بدرجه حراره 118 درجه ولو مافيش ترمومتر 

(هنجيب ميه ساقعه ونحط معلقه صغير من العجميه ونمسكها ونشوف بقت متماسكه ولو شدناها هتتقطع ولم تمط يبقى كده تمام نسبها تبرد ولو مستعجلين نحطها فى الفريزر تبرد ونشغل بيها)

- لو خرجت العجميه من الكحك يبقى فين الغلط فى نقص سوى العجميه 

- استعمال عسل النحل بيخلى العجميه طعمها وريحتها جميله ومميزه وخصوصا لو اشتغلنا بالسمنه البلدى.

الكعك المصري على الدافئ

مقدمة من / مروة كمال

ملف مميز لمخبوزات عيد الفطر المبارك


المقادير :


كيلو دقيق
٥٠٠ : ٥٥٠ جرام سمنه (عشان لو عاوزاه ناعم اوي)
والسمنه الافضل تكون بلدي او نوع كويس زي فيرن او شيراتون

رشه ملح

٢ معلقه كبيره سكر 

نص معلقه كبيره خميره 

معلقه صغيره بيكنج بودر

نص معلقه صغيره ريحه كحك (اختياري) 
ولو استخدمتي نوع سمنه كويس مش هتحتاجي ريحه كحك

لبن دافئ للعجن وممكن ميه بدل اللبن

ولو عاوزين سمسم هنحمص معلقتين كبار ونضيفهم

الطريقة :

- ممكن نقدح السمنه علي النار ودي بتنفع في الكميات الكبيره عشان ما يبوظش بس مشكلته بيبقي تقيل وبيسبب حموضه

- عشان كده بفضل ان السمنه يدوب تسيح ونستخدمها

- الدقيق عليه رشه الملح 

- هنضيف عليه السمنه ونفركهم مع بعض كويس جدا لحد ما الدقيق يتشرب كل السمنه
ندوب الخميره والسكر في شويه لبن دافي 

- نضيفها علي الدقيق ونضيف البودر والسمسم

- نكمل عجن باللبن

- نشكل الكحك وننقشه بالمنقاش او بالبصامه اللي بتتباع في محلات مستلزمات الحلواني ونسيبه يخمر شويه

- نخبزه علي ٢٠٠ درجه

- ممكن نسيبه ساده او نحشيه ملبن او عجوه او مكسرات او عجميه

- عند التقديم نرش عليه سكر بودره

طريقه العجمية :

- ٣ معالق سمنه كبارهنسخنها علي النار ونضيف عليها معلقتين كبار دقيق ونشوحهم وعليهم معلقه كبيره سمسم ونشوح

- نضيف عليهم كوب عسل نحل ونقلبهم باستمرار علي النار عشان ماتتحرقش لحد ما يمتزجوا ويتقلوا

- نشيلها من علي النار 

- لو حابين ممكن نضيف عين جمل مكسر ونسيبهم يبردوا ونشكلهم كور ونحشي بيهم الكحك ولازم كور العجميه تكون مش سايحه لكن تكون قوامها متماسك


معمول السميد على الطريقة الشامية 

مقدمة من / نورما العليّ

ملف مميز لمخبوزات عيد الفطر المبارك

المقادير :

1 كيلو سميد ناعم

نصف كوب سكر بودر

نصف ملعقة صغيرة محلب بودر

نصف كيلو سمن

نصف كوب ماء ورد

نصف كوب ماء زهر

الحشو :

ربع كيلو جوز مطحون

نصف كوب  سكر

نصف كوب فسدق حلبي

نصف كيلو تمر منزوع النواة

ملعقتان زبد

الطريقة :

- نخلط السميد و المحلب و السكر البودر مع بعض

- نضيف اليهم السمن و نبسهم جيدا م بعض و نتركهم ليلة كاملة لحتى يتشرب السميد من السمن تماما

- اليوم التالي نرجع نبسه مرة اخرى و نضيف اليه ماء الورد و ماء الزهر و نتركه مدة لا تقل عن 4 ساعات

- نجهز الحشو نخلط الجوز المطحون خشن مع السكر و نفس الشيء مع الحلبي

- نمزج التمر بالسمن على نار هادئة لحتى يختلط تماما و يطرى

- نقسم العجين الى كريات صغيرة في حجم كرة الجولف

- نحشوها حسب الرغبة  و نغلقها و نشكلها بقالب تشكيل المعمول

- نخبز المعمول في فرن درجة 180 درجة لمدة 10 دقائق

- عند التقديم يرش الوجه بالسكر البودر



السابليه الفاخر

مقدمة من / هبة زعلوك

ملف مميز لمخبوزات عيد الفطر المبارك


وصفة من المطبخ الفرنسي ، اشتهرت في معظم أنحاء العالم. وهي عبارة عن قطع صغيرة من البسكويت.

تحضّر السابلية من الطحين، السكر، الزبدة، البيض، وعادةً تحشى السابلية بمربى المشمش أو مربى الفراولة ويرش فوقها سكر ناعم للتزيين.

تحتوي كل قطعة من السابلية بالمربى (50غ تقريباً) على 163 وحدة حرارية لذلك من الأفضل تناولها باعتدال خاصة أنها تحتوي على 5 غ من الدهون المشبعة.



وقت التحضير : 10 دقائق 
وقت الطهى : 15 دقيقة


المقادير :

300 جرام دقيق

200 جرام زبد لين 

100 جرام سكر بودرة منخول 

صفار بيضة 

ملعقة صغيرة فانيليا 

2 ملعقة كبيرة زيت( لاعطاء السابلية قليل من القرمشة ).


الطريقة :

- نخفق الزبد مع السكر حتى يصبح كريمى ثم نضيف صفار البيضة و الفانيليا

- نضيف الدقيق و نلم العجين دون عجن ثم نضيف الزيت.

- نفرد العجين على سطح مرشوش بالدقيق و نقطع اشكال حسب الرغبة بحيث يكون جزء كامل و جزء مفرغ من المنتصف.

- ترص الوحدات على صاج و تخبز فى فرن 170 ْ من 10 الى 15 دقيقة حتى تشقر.
تترك تبرد تماما.

- ترش الوحدات المفرغة بالسكر البودرة ثم نضع قليل من المربى على الجزء الكامل و نلصق الوحدات.


السابليه البسيط

مقدمة من / نورما العليّ

ملف مميز لمخبوزات عيد الفطر المبارك


المقادير :

كيلو دقيق

نصف كيلو زبد بدرجة حرارة الغرفة

ربع كيلو سكر بودر

4 بيضات

فانيلا

الطريقة :

- نخلط كل من الزبد و السكر البودر مع بعض حتى تصير كريمي بيضاء اللون

- نضيف البيض واحدة تلو الاخرى و الفانيلا

- اخيرا نضيف الدقيق بالتدريج و نخلطه برفق دون عجن حتى يمتزج مع باقي المكونات

- نترك العجينة بالثلاجة لمدة ساعة او اكثر

- نقوم بفرد العجين بالنشابة و نقطعها حسب الرغبة

- نخبزها في فرن 180 درجة لمدة 10 دقائق او حتى يصبح لونهم اشقر

- نترك الحبات لتبرد تماما  و ندهنها بالمربى و نلصقها ببعضها البعض


كوكيز زبدة الفستق الحلبي و الهيل و ماء الورد

مقدمة من / لبنى جمعة


ملف مميز لمخبوزات عيد الفطر المبارك

المقادير :

خليط الطحين:

كوب و٤/٣ طحين منخول 

كوب فستق حلبي مطحون ناعم
٢/١معلقة صغيرة هيل مطحون ناعم
رشة ملح
ننخلهم ونضعهم جانبا

في وعاء آخر :
١٠٠غ زبدة بحرارة الغرفة
٣/١كوب زبدة فستق حلبي
بيضة واحدة بحرارة الغرفة
٢/١كوب سكر ناعم الحبيبات
معلقة كبيرة ماء ورد
قطرات بسيطة من ملون الطعام الاخضر ((اختياري))

الطريقة :

- بالخفاق الكهربائي او بمضرب السلك نخفق الزبدة والسكر معا حتى تبيض 

- نضيف البيضة والفانيلا ونخفق مجددا ليتجانسوا ثم نضيف ماء الورد وزبدة الفستق الحلبي وملون الطعام ونحرك جيدا ليتجانسوا 

- نبدأ باضافة خليط الطحين ونلم العجين دون عجن زائد حتى يبقى الكوكيز محافظا على طراوته 

- بعد الحصول على عجينة متماسكة نضعها بالثلاجة ٢/١ساعة او اقل 

- نبدأ بتشكيل كرات صغيرة الحجم ونضع في وسط كل حبة ، حبة فستق حلبي ونضعهم في صينية الخبز ونباعد بينهم ((لانو رح يزداد حجمهم قليلاً)) 

- نخبزهم في فرن محمى مسبقا على حرارة ٢٢٠ مدة ١٠-١٢ دقيقة فقط مجرد ما يشقروا منطفي الفرن 

- نطلعهم و رح يكون سطحهم بعدو طري وهذا دليل نجاحه لانو كل انواع الكوكيز بتشد وبتقسى خارج الفرن لما تبرد 

- ما لازم نبالغ بخبزهم منتركهم يبردوا ١٠دقائق ومنخرجهم من الصينية بهدوء ويقدم


كوكيز البرتقال

مقدمة من / بسمة درغام

ملف مميز لمخبوزات عيد الفطر المبارك

المقادير : 

3 أكواب دقيق

بيضة واحدة

كوب الا ربع زيت 

كوب و نصف سكر عادي

فانيلا

ربع كوب عصير برتقال

1 ملعقة صغيرة بيكنج بودر 

1 معلقة كبيرة بشر برتقال

الطريقة :

- في وعاء نضع الزيت و السكر و نخفقهم جيدا حتي يتحول الي ملمس قريب من الملمس الكريمي و نضمن ذوبان السكر تقريبا

- نضيف البيض و العصير و نخلط جيدا

- نضيف بشر البرتقال و نخلط جيدا

- ننخل الدقيق و نضيف اليه البيكنج بودر و نضيفهم للخليط

- نخفقهم جيدا حتي نضمن اختلاط الدقيق بهم تماما نتركها نصف ساعة حتي ترتاح.

- نلاحظ ان الخليط طري و شبه متماسك .. في هذه الحالة :

- يمكنك تشكل الكوكيز باستخدام مغرفة الايس كريم الصغيرة و لأخد جزء و وضعه في صينية الخبز.

- يمكنك باستخدام الدقيق علي يدك تكوير العجين كور صغيرة و من ثم الضغط عليها براحة اليد قليلا حتي تكون وضع الدائرة

- تخبز في فرن متوسط علي درجة 180 لمدة لا تقل عن 7 دقائق و تابعيها .. اذا اردت ان تكون مقرمشة أكتر ممكن تركها وقت أطول مع مراعاة المتابعة

- عند اخراجها ضعيها علي منخل السلك حتي تهدأ حرارتها تماما .

اقترحات التقديم 

- كوب سكر ناعم و عليه 5 قطرات من عصير البرتقال و قليل من بشر البرتقال و نقلبهم جيدا و نغمس البسكويت فيها.

- ممكن استخدام شيكولاتة قابلة للدهن و عمل حبات من الكوكيز المحشو .



الكوكيز التركي


مقدمة من / نيفين منصور


ملف مميز لمخبوزات عيد الفطر المبارك


المقادير :

نصف كيلو دقيق ( استخدمت دقيق بسكويت )

ربع كيلو سمن ( انا استخدمت زبدة باردة )

نصف كوب زيت ( استخدمت ربع فقط )

كوب سكر بودرة

كوب نشا ( انا استخدمت كوب الا ربع )

ملعقة كبيرة كاكاو ( استخدمت ملعقتين لان النوع اللي عندي مش غامق )

ملعقة صغيرة فانيليا

رشة ملح

ملعقة كبيرة بيكنج بودر

ملعقة نسكافيه كبيرة

الطريقة :
- نخلط السكر و الزبدة مع بعض ( استخدمت زبدة لانها افضل في الكوكيز و البسكويت و استخدمتها باردة من التلاجة لانها بتخلي البسكويت مورق )

- نخلط الدقيق و النشا و البيكنج بودر مع بعض

- ننزل بخليط الدقيق بالتدريج و بالتبادل مع الزيت
ليه بالتدريج و بالتبادل مع الزيت و دي تكتي انا لان الزيت هيساعد ذرات الدقيق تتبلور جوة العجينة و تديني التاثير اللي شايفينه في الجزء المقطوع في الصورة

- هتتكون عندنا عجينة ناعمة ملساة

- نقسمها نصفين جزء نحتفظ بيه في كيس ابيض زي ما هو

- النصف التاني من العجين نخلط النسكافيه و الكاكاومع ملعقة واحدة ماء و نخلطه مع 
العجين

- ندخل العجين التلاجة نصف ساعة فقط و دي برضو تكتي 

- نيجي للتشكيل هنعمل كريات صغيرة من العجين في حجم البندقةاو اكبر شوية

- ناخد 3 كريات ابيض و 3 كريات شوكليت بالتبادل في ايدينا بحيث يشكلوا دائرة

- نبتدي نلف بايدينا في اتجاه عقارب الساعة هنلاقي الشكل الحلزوني اتكون معانا 

- نسخن الفرن على 180 درجة و ندخل البسكويت 12 دقيقة بالتمام و الكمال

- احنا عاوزينه اشقر من تحت فقط

- سيبيه يبرد في مكانه و انقليه لعلب الحفظ و كلي اجمل بسكويت مع مج نسكافيه 

- ملاحظة : انا قسمت المقدار عملت نصفه ابيض من الاول خالص و نصفه شوكليت لاني خفت قوامه يختلف لاختلاف نسبة الدقيق مع الكاكاو



بسكويت الكاسترد 

مقدمة من / مروة كمال

ملف مميز لمخبوزات عيد الفطر المبارك


المقادير :

٣ كوب دقيق

كوب بودره كاسترد

كوب سكر بودره

كوب زبده طريه بدرجه حراره المطبخ

٢ بيضه كبيره

رشه ملح

نص معلقه صغيره بيكنج بودر

معلقه خل

فانيليا

ممكن بشر برتقال او ليمون

الطريقة :

- بمضرب البيض هنضرب الزبده الطريه مع السكر البودره دقيقتين تقريبا لحد ما يختلطوا كويس والزبده لونها يفتح شويه

- نضيف البيض واحده بواحده مع الخلط بالمضرب 

- نضيف الفانيليا والخل

- نضيف الدقيق والكاسترد البودره والملح والبيكنج بودرونقلب

- نغطي العجينه وندخلها التلاجه ترتاح نص ساعه تقريبا

- نفرد العجينه بسمك نصف سم ونقطعها بأي قطاعات عندك

- نخبزها علي فرن درجه حرارته ١٧٠ لمده ١٠ او ١٥ دقيقه لحد ما القعر يبقي لونه دهبي

- نخرجه من الفرن ونسيبه يبرد خالص 

- ممكن نسيبه زي ما هو كده وممكن نلزق كل بسكوتين ببعض بالمربي زي السابليه والبيتيفور



اللانكشير

مقدمة من / نجلاء المهدي


ملف مميز لمخبوزات عيد الفطر المبارك

المقادير :

125 جم دقيق 

65 جم نشا 

50جم سكر بودرة 

بيضة 

100جم سمنة ساقعة 

3جم بيكنج بودر 

الطريقة :

- تضرب السمنة الساقعة مع السكر حتى تهيش ثم توضع البيضة والفانليا

- تخلط المكونات الجافة مع بعض وتوضع على السائلة 

- تعجن حتى تترك ايدك العجينة وبتكون عجينة لينة تكور كور صغيرة 

- ترص في صينية أما مفروشة ورق زبدة او مدهونة مادة دهنية 

- يدخل فرن متوسط الحرارة 10دقائق أو أزيد شوية يادوب ارضيته تاخد لون بسيط مثل الغريبة 

- الألوان قطعت العجينة أجزاء وحطيت عليها الوان جل وعملت من كل جزء لون وتلزقيه بمربي أو توفي أو شيكولاته زي البيتيفور حسب رغبتك


كوكيز شرائح الشوكولا

مقدمة من / مروة كمال

ملف مميز لمخبوزات عيد الفطر المبارك


المقادير :

٢ كوب دقيق

رشه ملح

بيضه كبيره او بيضتين صغيرين

معلقه كبيره بيكنج بودر

٣/٤ كوب زبده طريه

١/٢ كوب سكر بودره

١/٢ كوب سكر بني ( او نص كوب سكر عادي وعليهم معلقه عسل اسود وتقلبيهم وتسيبيهم شويه)

فانيليا

حوالي كوبايه شوكلت شيبس

الطريقة :

- الزبده والسكر البودره والسكر البني هنضربهم مع بعض بمضرب البيض لحد ما يصبح زي الكريمه

- نضيف البيض والفانيليا ونضرب

- نضيف الدقيق والبودر ونقلب 

- نضيف الشوكلت شيبس

- ندخل العجينه التلاجه نص ساعه ترتاح وتتماسك

- نشكلها كور ونرصها في صينيه وعلي الوش نحط شويه شوكلت شيبس

- الفرن علي ١٤٠ درجه لمده عشر دقايق

- نسيبها تبرد قبل مانشيلها من الصينيه
لوعاوزينه بالشيكولاته نشيل معلقتين من الدقيق ونستخدم كاكاو خام


اصابع التمر

مقدمة من / نورما العليّ

ملف مميز لمخبوزات عيد الفطر المبارك

المقادير :

3 أكواب دقيق

1 ملعقة كبيرة حليب بودر

1 ملعقة صغيرة بيكنج بودر

ربع ملعقة يانسون بودر

كوب سمن مذاب

بيضة مخفوقة

ربع كوب حليب 

ملعقة فانيلا سائلة

نصف كيلو تمر منزوع النواة

1 ملعقة كبيرة زبد

رشة قرفة

للوجه :

بيضة مخفوقة 

سمسم

الطريقة :

- نخلط كل المكونات ما عدا التمر و نعجنها حتى تصير عجينة ناعمة ملساء

- نخلط التمر و الزبدة  و رشة القرفةو نضعهم في مقلاة على النار حتى يمتزجوا و يختلطوا تماما

- نشكل التمر اصابع رفيعة 

- نمد العجين على شكل شرائط طولية عريضة و نضع اصابع التمرو نلف العجين عليها على شكل اسطواني رفيع

- ندهن الوجه ببيضة مخفوقة و نغمس الاصابع بالسمسم

- نخبزها في فرن متوسط لمدة 15 دقيقة و نضعها 5 دقائق تحت الشواية ليشقر الوجه


المنين بالعجوة او القراقيش

مقدمة من / مروة كمال

ملف مميز لمخبوزات عيد الفطر المبارك

المقادير :

كيلو وربع دقيق

٥٠٠ جرام زبده (كوبايتين وربع)

( يعني كل كيلو دقيق ياخد ٤٠٠ جرام زبده اقل من الكحك عشان يكون مقرمش)

٢ معلقه كبيره خميره

٢ معلقه كبيره سكر

١ معلقه صغيره بيكنج بودر

رشه ملح

لبن دافئ للعجن

الطريقة :

- الزبده فقط تسيح علي النار
( مش مقدوحه يعني مش نسيبها تغلي وكده بتكون اخف ومش بتسبب حموضه بس لو احنا هنعمل كميه كبيره يبقي لازم نقدح الزبده عشان مش تبوظ)

- الدقيق نضيف عليه الخميره والسكر والبودر والملح نضيف الزبده السايحه ونبسها يعني نفرك الدقيق مع الزبده كويس جدااا

- نضيف اللبن تدريجيا ونعجن

- مش هنسيب العجينه تخمر هنقطعها علي طول

- ناخد جزء من العجينه ونفردها رول ونبططها شويه ونقطعها صوابع

بالنسبه لكعب الغزال 

بنجيب العجوه نفصصها ونفرمها في الكبه مع معلقه زبده طريه

- هناخد جزء من العجينه نفردها مستطيل بسمك نصف سم
ونحاول نفرد العجوه فوق العجينه بس تكون طبقه رفيعه ونلف رول ونقطعها صوابع

- هنغطيهم ونسيبهم يخمروا ساعه تقريبا 

- نخبزها علي درجه حراره ٢٠٠ 

- ممكن نضيف علي العجينه سمسم محمص او شمر او ينسون




الغريبة الناعمة

مقدمة من / هبة زعلوك


ملف مميز لمخبوزات عيد الفطر المبارك


الغرَيبَة (في تونس والمغرب) أو الغريبية (في الجزائر) أو الغُرَيِّبَة (في مصر) من الحلويات المغاربية ذات الشعبية.وهي في الاصل نوع من الحلويات التقليدية العربية التي واكبت علي اعدادها الشعوب العربية خاصة ايام اعياد الفطر وقد تم احصاء انواع عدة قامت بتحضيرها العائلات العربية اهمها غريبة الفرينة(الطحين)و غريبة الحمص و غريبة الدرع(الذرة البيضاء)..

جعل الله ايامكم كلها خير و بركة..

المقادير :

1 كوب سمن 
نصف كوب سكر بودرة 

 فانيليا

من 2 و نصف الى 3 كوب دقيق

الطريقة :

- نضع السمن + السكر فى الخفاق الكهربى

- نخفق ثم نضيف الفانيلا

- نضيف الدقيق و نقلب بالسباتيولاحتى الحصول على عجينة ناعمة
(لا تكثرى من الدقيق حتى لا تتشقق)

- نكور كريات صغيرة و نرصها متباعدة فى صاج غير مدهون

- نضع انصاف اللوز و الفستق فى منتصف كل حبة
مع الضغط قليلا حتى لا تقع عند النضج

- تخبز فى فرن هادئ الى متوسط حتى تشقر فقط
(يجب الانتباه لها حتى لا تحمر كثيرا)

- تخبز فى فرن هادئ الى متوسط حتى تشقر فقط

الغريبة 

مقدمة من / نجلاء النجار

ملف مميز لمخبوزات عيد الفطر المبارك


المقادير :
600 جرام دقيق 

300 جرام سمنه من التلاجه

150 جرام سكر بودره 

الطريقة : 
- نأتى بوعاء ونضع به السمنه ونضرب بالمضرب الكهربى ونضع السكر ونضرب حتي تصير كريمى

- نضع الدقيق ونلمها ونغطيها ونضعها فى التلاجه لمده نصف ساعه 

- بعدها نكورها صغير ونرصها فى صوانى ونزينها بلوز او زبيب او ساده 

- ندخلها فرن ساخن على درجه حراره 160 ونشعل الفرن من تحت فقط ونضعها على الشبكه لحين تاخذ لون ذهبى فاتح جدا من تحت

الغريبة 

مقدمة من / مروة كمال


ملف مميز لمخبوزات عيد الفطر المبارك

المقادير :

٤٥٠ جرام دقيق(٣ كوبايات وربع)

٢٥٠ جرام سمنه ( مش زبده) وتكون من التلاجه (كوبايه وعليهم معلقه كبيره)

١٠٠ جرام سكر بودره ناعم جدا ومنخول(٢/٣ كوبايه)

ولو تحبي رشه فانيليا

الطريقة :

- السمنه والسكر هنخلطهم مع بعض بالمضرب

- نضيف الدقيق المنخول ونقلب بمعلقه وممكن ندخلها التلاجه نص ساعه لو الجو حر 
وبعدين نشكلها

- نشكلها كور صغيره ونحط في المنتصف حبه لوز او فزدق او ملبس الغريبه الفضي دا

- ندخلهم الفرن علي ١٥٠ او ١٦٠ درجه 

- حتى يصفر القاع مش عاوزينها تتحمر خالص


البيتي فور

مقدمة من / مروة كمال


ملف مميز لمخبوزات عيد الفطر المبارك

المقادير :

٦٥٠ جرام دقيق منخول( ٥ كوبايات الا تلت كوبايه)

٥٠٠ جرام زبده تكون نوع كويس وانا بفضل الزبده النيوزلاندي وتكون من التلاجه (كوبايتين وربع)

ربع كيلو سكر بودره (كوبايه ونص)

٤ بيضات بدرجه حراره المطبخ( البيض الكامل بيخليه مظبوط عن ما نستخدم الصفار بس)

فانيليا او رشه خل

بشر برتقال او ليمون عشان يقضي علي ريحه البيض ودا اختياري

رشه ملح

لو عاوزين بالشيكولاته نشيل شويه من الدقيق ونحط بدالهم كاكاو خام
(ومفيش بيكنج بودر خالص)

الطريقة :

- هنضرب الزبده بمضرب البيض كويس

- نضيف السكر البودره ونستمر بالضرب لحد ما اللون يبقي ابيض وكريمي

- نضيف البيض واحده بواحده مع استمرار الضرب ونضيف كمان الفانيليا وبشر الليمون لحد ما يصبح الخليط زي الكريمه ولونه يفتح

- نضيف الدقيق ورشه الملح ونخلط بمعلقه

- نشكلها بماكينه البيتيفور الاشكال اللي عاوزينها ونحطها في صاج مدهونه يدوب بزيت خفيف جدا بمنديل

- ندخلها الفرن علي ١٨٠ لمده ١٠ او ١٥ دقيقه

- لما يبردوا خالص نلزق كل اتنين بمربي مشمش او شيكولاته سايحه

- نزينها بشيكولاته سايحه ومكسرات وجوز هند او شيكولاته فارماسيل
( لو عاوزين نستخدم الكيس الحلواني بدل ماكينه البيتيفور بنقلل كميه الدقيق ٥٠ جرام ونستخدم بلبله مشرشره)

- في طرق بتستخدم صفار البيض بس دا بيبقي طري زياده وطرق ببياض البيض ودا ناشف بزياده لكن البيض الكامل بيكون افضل بالنسبه ليا

- لو خايفه ينفش منك في الخبز جربي اخبزي واحدتين الاول لو لقيتيهم نفشوا يبقي زودي معلقتين دقيق بس ان شاء الله لو التزمتي بالمقدار مش هينفش



بسكويت النشادر

مقدمة من / مروة كمال

ملف مميز لمخبوزات عيد الفطر المبارك

المقادير :

نصف كيلو دقيق

2 بيضة

فانيليا


معلقه صغيره نشادر

معلقه صغيره بيكنج بودر

١٦٠ جرام سكر بودره ( كوب)

١٦٠ جرام سمنه بدرجه حراره التلاجه (كوب الا ربع) لو عاوزه تعمليه بالزبده يبقي نص كوب زبده وربع كوب زيت

٤/١ كوب لبن حليب ( وممكن ميه )

معلقه كبيره بشر برتقال ( اختياري)

الطريقة :

- السمنه والسكر نضربهم مع بعض بالمضرب لحد ما يبقي لونه فاتح وزي الكريمه

- نضيف البيض والفانيليا ونستمر في الضرب

- نضيف الدقيق والبودر المنخولين ونقلب 

- نضيف اللبن المتدوب فيه النشادر وبشر برتقال ويدوب نلم العجينه ما نعجنهاش كتير

- نشكله بماكينه البسكوت

- نخبزه في فرن علي ١٦٠درجه لمده ١٠ دقايق تقريبا

- لما يبرد لازم نحطه في علبه مقفوله كويس جدا


بسكويت جوز الهند

مقدم من / مروة كمال


ملف مميز لمخبوزات عيد الفطر المبارك

المقادير :

كيلو دقيق


نصف كيلو زبده طريه( كوبايتين وربع تقريبا)

نصف كيلو سكر بودره (٣ كوبايات)

٧ بيضات

فانيليا

باكو بيكنج بودر

بشر برتقال او ليمون

١/٨ كيلو جوز هند

الطريقة :

- نضرب السكر مع الزبده بمضرب البيض

- نضيف البيض واحده بواحده مع استمرار الضرب حوالي عشر دقايق ونضيف الفانيليا وبشر الليمون

- نضيف الدقيق والبودر ونخلط 

- في الاخر نضيف جوز الهند ونقلب 

- نشكله بالماكينه بتاع البسكوت

- الفرن لازم يكون هادي علي ١٧٠ تقريبا

 و الف هنا على قلوبكم يارب و كل عام وانتم بألف خير و صحة و سعادة

مدير تحرير قسم المطبخ بمجلة سحر الحياة / نيفين منصور
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين