2054208194886930964305459023536687124329124620425345324432245227212526005525430010231005910972575227800005423858567245242500231905922702611555

6/29/2018

جايز تصيب المرادي


 جايز تصيب المرادي


بقلم :
      رانيا حجازي 

بخاف من نفسي أبدأ
 وبخاف مبدأش أخسر
 ف أفضل واقف مكاني 
ويدوب مالحقش أفكر
تجيلي فِكره تغلِبني 
وتغالِب فيا علي الفاضي
 وتقولي :- 
 فيها إيه ما تجرب !
 مش جايز تصيب المرادي ؟
 وامشي وانا مغمض عيني
 عشان خايف من خوفي يشوفني
 فيقل توازن جسمي
- يمين خطوتين 
- وشمال خطوه واحده 
 وبرجع خطوتين
 مفيش ميزان لأفكاري
 ف ماشي ماليش انا مالكه 
لا انا واقف ولا انا بجري
وعمري يدوب علي قدي
 وخايف افتح عيني اخاف اكتر
 ف بفضل مغمض انا و قلبي 
 وأهيىء لنفسي ان-  الصوره حلوه - 
 واسمع غنوه عارف انها بتطمني 
عشان اعرف اكمل طريقي ماأقُفش 
 بهرب من خوفي بتغميضت عيني
 بس مابهربش  . . 
ع الحال ده يوماتي 
في كل شيء ببدؤه في حياتي
 ببدأ أدبرلهُ مابين الفكره وخوفها
 ومابين خطوتي و وقوفها
 بفكر كتير علي الفاضي وأرجع واقول
- ماتجرب ماجايز تصيب المرادي -




مدير قسم الأدب و الشعر
علا السنجري
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين