2054208194886930964305459023536687124329124620425345324432245227212526005525430010231005910972575227800005423858567245242500231905922702611555

7/10/2018

6 أسباب بتمنع ظهورعضلات البطن

6 أسباب بتمنع ظهورعضلات البطن




كابتن / مصطفى اكشن

بتقضي ساعات متواصلة في الجيم بتعمل فيهم تمارين البطن وما بتشوفش أي نتايج؟ يبقى أكيد بتعمل الأخطاء دي! تعرف على الأسباب الستة اللي بتمنع ظهور عضلات البطن.


قدماء الرومان واليونانيين كانوا بيشوفوا عضلات البطن علامة تدل على الصحة والقوة واللياقة البدنية، عشان كدا تماثيل هركل وغيره من الألهة اليونانية كان عندهم six packs مثالية بتدل على قوتهم. في العصر الحالي أكيد ما بنشوفش اللي عندهم عضلات بطن بارزة على إنهم ألهة، بس طبعاً الsix packs بتدي هيبة مختلفة. مين فينا ما قررش ينزل الجيم بعد ما اتفرج على فيلم 300؟

رغم إن وجود عضلات البطن بيدي هيبة، الحصول عليها مش سهل أبداً. لو كنت بتعمل تمارين البطن زي الcrunches بعد كل تمرين وبردو مفيش فايدة، يبقى أنت بترتكب أحد الأخطاء التالية، ده لو ما كانش كلهم يعني:

عندك دهون كتير مغطية على جدار عضلات البطن

قوة عضلات البطن مش هي أهم عامل في ظهور الsix packs، أهم عامل هو انخفاض كمية دهون الجسم. لو عندك دهون كتير تحت طبقة الجلد عند منطقة البطن، يبقى مهما قعدت تعمل crunches و leg raises عمرك ما هتقدر تشوف عضلات بطنك، ممكن تشوف حلمة ودنك أسهل.

الحركة اللي هتخليك فعلاً تحقق تقدم في رحلة إظهار عضلات البطن هي إنك تضبط نظامك الغذائي. 
لازم تمشي على خطة وجبات ذكية للتخسيس وتقليل نسبة دهون الجسم عشان تبتدي تظهر عضلات بطنك، غير كدا كل تعبك في الجيم هيروح على الفاضي. سيب بقى حلة المحشي اللي في إيدك دي ونقي أكلات صحية.

تمارين البطن اللي بتعملها مش متنوعة

ناس كتير بتفتكر إن عضلات البطن شوية العضلات اللي متجمعين في النص دول، بس الجهاز العضلي معقد أكتر من كدا. جدار البطن بيتكون من عضلات rectus abdominus (المعروفين بالsix packs) وعضلات obliques داخلية وخارجية جنب عضلات الsix packs وعضلات transverse abdominus تحت عضلات الobliques الداخلية. ممكن نزود كمان عضلات serratus anterior عشان لما عضلات القفص الصدري بتبقى قوية، بتخليك تبقى شكل أبطال كمال الأجسام.

عشان تدرب بطنك صح، لازم تنوع تمارين البطن اللي بتعملها عشان تستهدف كل العضلات. درب تعمل تمارين planks و suitcase deadlift و dead bugs.

رئيسة قسم صحتك بالدنيا / نهى على

إقرأ أيضا


التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين