شعر وحكاياتعام

قصيدة رقصوا على كيكي

قصيدة رقصوا على كيكي



بقلم/ شرين سعد أحمد 

شاعرة جنوب الوادي 
*****************


 رقصوا على كيكي 
نسيوا كدا دينهم
يا حسرتي عليكي
يابلدي ويعينهم
 شبابك الغافل
يرقص على الفاضي 
طب مين هنا عاقل
يحكم ومش قاضي 
قال ايه اهي موضة 
طايحة بلا لازمة
 كنت اقعد ف اوضه
وبلاش تزيد أزمة
وتسوق في عربية 
وادي الكاست شغال
اهى خيبة ورزية
تلخبطلنا البال 
ونسيت صلاة الفجر
يا حسرتي عليها
ولحد بكرا العصر 
ترقص وناسيها
 والمصحف المقفول
مين اللي يقرا فيه
عن قفلته مسؤول
زاد التراب عليه 
لو مرة تتوضوا
وتصلوا بالمرة
فرح الشيطان فضوا
لا تعيدوا دي الكرّة
بلا كيكي بلا خيبة 
بلدك بتصرخ اه 
والله دي عيبة 
ما تفوقوا يا ولداه
نفض كده عقلك 
ركز واسترجل
واغسل كده قبلك 
ولخيرك استعجل 
ياناس لساني جف 
من كتر ما بهاتي
خايفة لعقلي يخف
واليأس هيواتي
فما تكسروا بخاطري
ولا تسبوني أموت
وكمان عشان خاطري
قبل القطر ما يفوت


إقرأ أيضاً
وشوش الناس
===============

رئيس قسم الشعر والأدب/ أ.علا السنجري 

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock