شعر وحكاياتعام

قصيدة اسمع مني


قصيدة ( اسمع مني )

بقلم/(شرين سعد أحمد )
شاعرة جنوب الوادي
#شرين_سعد_أحمد
****************
اسمع مني يا حج 
ياحج انت تعيش 
ولا تعيش ياحج
اسمع كده بشويش
دا غلبي والله غلب
قربت ألبس خيش
،،،،،،،،،،،،،،،،،،
ادي الغلا كلنا
اسعار ما ترحمشي
والفقر قاصدنا
يهجم ما يرجعشي
طب نبكي على حالنا
ولا ما ينفعشي
،،،،،،،،،،،،،،
طب لو هقول يعني
على كل ما فبالي
ولورطتي هعني
وادي وقعتي قبالي
لا مرتبي يكفي
ولا ستر حالي
،،،،،،،،،،،،،،،،،،،،
ماحد سامعنا 
مهما ننوح الآه
على وشنا وقعنا
والقلب بقى جواه
نغصة تلسوعنا
واهو امرنا لله
،،،،،،،،،،،،،،
طب هاتلي حاجة رخيصة
أو سعرها معقول
ودي مشكلة عويصة
دول حتى غلوا الفول
ماخلاص بقت هيصة
والقرش واكله الغول
،،،،،،،،،،،،،،،،،،،،،
اللي جمع ماله
من دمنا بدري
واهو غير أحواله
ولا حد بيه يدري
ويقولك وماله
ماهو ده يا دوب قدري
،،،،،،،،،،،،،،،
يابيه ما تكدبشي
ماهو احنا عارفينك
قبلك ما دامتشي
والكل كاشفينك
ذنبك ما يرحمشي
لو تنسى كده دينك
،،،،،،،،،،،،،،،،،،،،،،،،
بطل تمد اديك 
على فلوس الغير 
قوت الغلابة ليك
كلته بلا تأخير
واما هحسبن فيك
الكل يعمل شير

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock