2054208194886930964305459023536687124329124620425345324432245227212526005525430010231005910972575227800005423858567245242500231905922702611555

8/10/2018

زوجي في احضان آخرى


زوجي في أحضان آخرى




متابعة شيرين حسني

انا مش عارفه ابدأ مشكلتي ازاى ولا منين



انا  س.م متجوزة وعندى ولد عنده3 سنين والحمد لله شكلي حلو وشايفه بيتي وزوجي علي اكمل وجه وبراعي اهله واودهم...كل ده كلام جميييل...بس اللي حصلي من زوجي واهله صدمني صدمة عمري



حماتي ساكنه بعيد عني شويه وبتجيلي كل فترة وبشيلها ع راسي من فووق ولما بتجيلي بتطلب من واحدة قريبتي فراخ بلدى وجبنه فلاحي وبيض بلدى وخلافه وبتعرفني قبل ما تيجي عشان اكون مجهزالها الحاجه
ف اليوم ده جات حماتي فجأة ومعاها واحده جارتها ساكنه معاها من قريب بنت شكلها غلبانه وعادية ملفتتش نظري وقتها بحاجه

وطلبت مني حماتي اني اروح اجيب لها طلباتها اللي بتطلبها من خالتي كل مرة قولتلها كده حاخد وقت والمشوار بعيد وميصحش اسيبكوا لوحدكوا وانزل قالت لي احنا مش غرب وجوزى اليوم ده كان اجازة و موجود بالبيت قالت لي انزلي دلوقتي عشان الحق اروح بيتي ع اخر النهار

سيبت ابني نايم ع رجل حماتي وجوزي قافل اوضته عليه واستاذنت من الضيفه اللي مع حماتي ونزلت

وانا ف الطريق اتصلت بخالتي تحضر الحاجه قالت لي انها مش بالبيت و الحاجه مش جاهزه وحتاخد وقت ف مش حينفع النهارده نز لت من المواصلات ورجعت بيتي

وانا طالعه ع السلم لقيت باب جارتي اللي تحت نصه مفتوح وشوفت حماتي قاعدة مع جارتي وإبني لسه نايم ع رجلها قلبي اتقبض معرفش ليه اتسحبت ع السلم بالراحه وطلعت شقتي ودخلت اوضتي لقيت جوزى نايم مع جارة امه الشابة اللي كانت مع حماتي انا معرفتش انطق ولا اصرخ قعدت من ذهولي ع الارض ومش بنطق ولا كلمه جوزي جري عليا وقاللي متفهميش غلط دى مراتي

إقرأ أيضا
أنا وأولادي

مراتك كماااااان ااااه يا حسرة ووجع قلبي معرفش ساعتها انا لميت اعصابي وقومت ازاى ونزلت اخدت ابني ومشيت ع بيت ابويا

البيه امه كانت مجوزاه من شهر وانا معرفش ف الفتره دى كانت أمي تعبانه وأنا قاعده معاها وهو اتجوز بس مكانش عمل دخله فحماتي جبتهاله لغاية عنده عشان يدخل عليها

انا عايزة حل لمشكلتي أنا خلاص قررت اتطلق ومستنيه اجراءات الطلاق المحامي بيعملها ارجوكم قولولي انا صح ولا غلط


عزيزتي س.م  أولا أوعي نفسك تتكسر أو تحسي بالنقص مش معنى إن جوزك إتحوز عليك إن فيكي عيب. اتت نفسك قولتي إنك حلوة وشايفه بيتك وحوزك على أكمل وجه.


ثانياً جوزك ما عملش حاجة تغضب ربنا هو إتجوز على سنة الله ورسوله يمكن غلطته إنه ما اخدش رأيك وإدالك حرية الأختيار  إنك توافقي وتكملي معاه أو ترفضي وتتناقشو في الحل.

إقرأ أيضا
الصرخة

ربنا أراد إنك تعرفي في الأول والمطلوب منك إنك تقعدي مع نفسك وتجيبي ورقة وقلم وتكتبي وضعك هيبقى ايه في الحالتين.

حالة الموافقة والاستمرار وحالة الرفض والانفصال بكل جوانبهم الإيجابية والسلبية ،وتقارني بينهم وتاخدي قرارك.انا عارفة انك قولتي إنك اخدتي القرار بس القرار وقت الإنفعال ممكن يكون مش صحيح

أنت قوية وربنا اختبرك على قد قوتك ولك الإختيار

تابعونا على مجلة سحر الحياة  حياة القراء
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين