2054208194886930964305459023536687124329124620425345324432245227212526005525430010231005910972575227800005423858567245242500231905922702611555

9/04/2018

مافيش داعي


مافيش داعي

  عبد العزيز موسى
    ...................

مفيش داعى
تعيدى عد أوجاعى
وتحيييها من الأول
مادمت اخترت ِ
خلينا
نشوف الأقوى
مين فينا وحده هيكمل
ومين ع الجرح ناوى يعيش
ويدبل
زى ساعه ما بتمشيش
وقصيدة حروفها هربانه من الأوزان
ومش راضيه  تتكمل
مفيش داعى
تدوسى تانى ع الذكرى
لأنى خلاص
بديت بكرة
بَعِد سلالم الايام
وجوايا طريق بمشيه
لأخر نور ف سكه حلم رسمينه
ووعد مابينا قاسمينه
قدر مفروض
بقيت وحدى اللى بتحمل
ما دمت اخترت ِ
خليكِ
مع الوحدة
ودمعه مش هتنسيها
ف كل شروق هتحييها
تعيشك جوة ايامك
و
انا دلوقت مش فيها
وتلتفتى
على عمر كان عدى
ونبض خلاص ماهوش ليكِ
وايامك بتتقضى
وجواك الف سؤال
خلاص فعلا بقاله ف الفؤاد واحدة؟
فتدبل زهرة امانيكِ
تعيدى لحن اغانيك ِ
لكنه حزيييين
ومتكرر
مفيش جرح بييشقق جدار الروح
وهو بيهزر
مفيش
حب يوم بيموت
إلا لو حد كان وحده بيقرر
وبيخلق الأعذار
عشان
يمشى بلا داعى
فيبقى بلاش
تعيدى عد أوجاعى
مفيش داعى



للمزيد
الوردة

مدير قسم الأدب و الشعر

علا السنجري
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين