2054208194886930964305459023536687124329124620425345324432245227212526005525430010231005910972575227800005423858567245242500231905922702611555

11/04/2018

مصطفى أمين و الكائنات الفضائية

مصطفى أمين و الكائنات الفضائية

كتبت 
علا السنجري

الله يرحمك يا عم مصطفي أمين لما قولت ٤ نوفمبر عيد حب للمصريين ، اللي بقوا ١٠٠ مليون خبير سياسة و اقتصاد و تنمية بشرية واعلام غاوي ردح  ، ( يا خرابي من الصداع يا دماغي ) ، سألت نفسي هو لسه فيه حب و أنا لقبي أميرة العشق ؟
الكل شغال هري في الغلاء و سعر البطاطس والطماطم ، ويا سلام على شوية تحابيش من إحباط و تخويف و تخوين ، و ختمت بحادث إرهابي اختلط فيه دم المصريين بالاسفلت والحداد دقيقة وراها ماتش كورة ، و الغلابة لايصين عايشين طالبين الستر بالعافية .

الناس لا يهمها  الورد ولا الدباديب  ، مافيش غير لقمة العيش و فاتورة الكهرباء ، مصاريف المدارس ، و انتظار المرتب اللي بيخلص تاني يوم على طول . الكلمة الحلوة اختفت ، والابتسامة صدقة في وجه أخيك ضاعت في الوبا مع هنادي ، حاجات كتير حلوة تاهت وسط زحمة الحياة .
المودة و الرحمة ، الصداقة اللي من غير مصلحة ، مراعاة الجار ، فعل الخير والاحساس بمصائب الاخرين ، فعل الخير ، قيم إنسانية تقوم على الحب نحتاج إلى إعادة إحيائها بالنفوس .
نحن فى أشد الحاجة إلى إعادة المشاعر الصادقة بين الناس ،  لنعيد بناء وطن ليس به إرهاب .
نحتاج لجمع الشمل وإعادة الثقة بين الناس ، هنا لا أطالب أن يتحول الجميع لملائكة ، ولكن أحلم أن نمارس الإنسانية في محاولة لمقاومة العنف.

لكي الله يا مصر  هتلاقيها من مين ولا مين ، رحم الله مصطفى أمين ، كل عيد حب وأنتم طيبين يا كائنات فضائية .
بنت_سلطح_بابا



للمزيد
" صلاح عبد الله " عمونا الشرير أبو دم خفيف

التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين