2054208194886930964305459023536687124329124620425345324432245227212526005525430010231005910972575227800005423858567245242500231905922702611555

12/12/2018

مش صحيح





مش صحيح

من ديوان رحيل
الشاعروالأديب الدكتور محمد ضباشه/مصر
__________
مش صحيح لو حد قالك
قلبى ضلك فى الطريق
وأن العيون ملت تقولك
أنك لروحي ضي وبريق
وأن أنا على طول فلاتي
فى القلوب بعشق يوماتي
وأن موج الهجر آتي
مش صحيح
أرضى بغيرك يا حياتي
أكيد دا وهم كدابين
مفروسين من حبى ليك
أو بهواهم طمعانين
وبيقتلوا حبى بإيديك
ويرمونا لليل حزين
غرقانين دمع وأنين
ونبقى ضمن المجروحين
وطيري يسقط من سماك
والنبض يشتاق للحنين
والشوق يكسر فى السفين
والليالى العتمة تصرخ
يا شمس بتجلجل آهاتى
مش صحيح
ولا كان صحيح
تشكي فى حبي لحظة
وتتركي قلبي طريح
واللى بينا يبقى ذكرى
على فكرة
مهما قالوا وعادوا عني
انت فعلا حتة مني
ولو نساء الكون فى كفة
أنت كفة ما تتنسيس
فما تركبيش على موج هواهم
والشراع منك يميل
أو يجروكي وراهم
لشك أصلا مستحيل
وأنت قمرة تصحي ليل
وأنت لخطايا دليل
فإزاى من غير هواك
قلبي يقدر يعيش
فما تسأليش
وأنت قلبك بيا شاعر
والعيون تحكي اللى فيها
ليه يلخبط فى المشاعر
ويعاند ما يحس بيها
دا طريق الهجر واعر
يزرع جفاء ما بينا
على أرض أصلا ما فيش
والصحيح 
حبك ساكن فيا الوريد
وقافل جفونه عليك
مهما ريحة الموج تزيد
وأن فرض خنتك أنا
قلبي مش ممكن يخون
ولو بعدتي ميت سنة
اللى بينا ما ينتهيش
ومش صحيح
لو حد قالك قلبي مل ك
وحبي ضل~ك فى الطريق
وأن العيون ملت تقولك
انك لروحي ضي وبريق
وأن أنا على طول فلاتى
قلبي بيعشق يوماتي
وأن موج الهجر آتي
مش صحيح
أرضى بغيرك يا حياتى
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين